Milicyja šukaje junaha afierysta + fota 14

Minskaja milicyja šukaje 25-hadovaha žychara stalicy, raniej sudzimaha za machlarstva, jaki nažyvaŭsia na žadańni suhramadzian zekanomić.

Jak paviedamili ŭ HUUS Minharvykankama, małady čałaviek raźmiaściŭ u internecie abjavu ab akazańni pasłuh pa dastaŭcy z-za miažy elektronnaha abstalavańnia, parfumieryi i brendavaha adzieńnia.

Ceny ŭkazvaŭ nižejšyja za rynačnyja na 20–25%, tłumačačy tym, što ŭ Polščy, nibyta, razaryłasia bujnaja firma i zaraz uvieś tavar raspradajecca.

Klijenty nie prymusili siabie čakać — jany źviartalisia da pradprymalnaha minčanina i pakidali ŭ jakaści pieradapłaty ad 200 da 500 dalaraŭ ZŠA.

Patencyjalnym pakupnikam vydavałasia raśpiska z ukazańniem realnych pašpartnych danych pradaŭca. Ale jak tolki hrošy apynalisia ŭ jaho kišeni, małady čałaviek źnikaŭ, vydalaŭ abjavu i mianiaŭ numar telefona. Dziakujučy hetaj schiemie biez hrošaj i pakupak zastalisia dziasiatki haradžan.

Zaraz asoba złamyśnika ŭstanoŭlena, viadziecca jaho vyšuk.

Kali Vam što-niebudź viadoma pra źmieščanaha na fota čałavieku abo Vy paciarpieli ad jaho dziejańniaŭ, pierakanaŭčaja prośba źviarnucca pa telefonach: 226-20-85, 222-04-42 (46), 8-029-636-18-00 abo pa telefonie «102».

guvd.gov.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH