Minčuk zabiŭ milicyjanta i sam zastreliŭsia 10

U hetym haražy zastreliŭsia potym zabojca milicyjanta.

U Minsku 8 studzienia pry vykanańni słužbovych abaviazkaŭ zabity supracoŭnik milicyi, jaho kaleha paranieny. Jak paviedamiła BiełaPAN aficyjny pradstaŭnik Śledčaha kamiteta Julija Hančarova,

u druhoj pałovie dnia śledča-apieratyŭnaja hrupa vybyła na miesca zdareńnia ŭ pryvatny siektar Maskoŭskaha rajona pa zajavie adnoj ź miascovych žycharak ab tym, što na vulicy Mašynistaŭ niechta stralaje z ahniastrelnaj zbroi pa jaje sabaku.

Žančyna telefanavała ŭ milicyju pa telefonie 102. U časie adpracoŭki pryvatnaha siektara jana pakazała na kankretnaha hramadzianina, jaki, pa jaje słovach, strelaŭ u žyviołu.

Supracoŭniki milicyi pačali apytvać mužčynu 1953 hoda naradžeńnia, jaki pražyvaje ŭ adnym z damoŭ pryvatnaha siektara. U adkaz jon dastaŭ pistalet i adkryŭ ahoń na paražeńnie.

U vyniku adzin ź milicyjantaŭ zahinuŭ na miescy, druhi atrymaŭ ranieńni.

Supracoŭniki milicyi stralali ŭ złačynca, ale jon schavaŭsia ŭ haražy, raźmieščanym kala doma, dzie skončyŭ žyćcio samahubstvam, streliŭšy sabie ŭ hałavu.

Śledčaja hrupa pracuje na miescy zdareńnia.

Upraŭleńniem Śledčaha kamiteta pa Minsku raspačata sprava pa art. 362 Kryminalnaha kodeksa (zabojstva supracoŭnika orhanaŭ unutranych spraŭ u suviazi z vykanańniem im słužbovych abaviazkaŭ).

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH