Z efiru BT źnik viadučy tok-šou «Forum» Dźmitryj Kościn 10

Kościn zastavaŭsia vyjaznym, tamu časta rabiŭ zamiežnyja repartažy.

Fota z sajta arhanizacyi śviataŭ.

Toje samaje skandalnaje fota śpiačych ANT-šnikaŭ.

Pilnyja hledačy kanała «Biełaruś-1» (raniejšaje BT) źviarnuli ŭvahu, što miesiac tamu źmianiŭsia viadučy ŭ tok-šou «Forum» — nie błytać z adnajmiennaj prahramaj na «Biełsacie».

BT-šnaja pieradača prasłaviłasia paśla efiru pra «capočnych turystaŭ», jaki adbyŭsia ŭ kastryčniku 2012 hoda.

«Forum» źjaviŭsia hod tamu, i jaho viadučym adrazu ž staŭ adzin sa staražyłaŭ Biełteleradyjokampanii Dźmitryj Kościn, zahadčyk adździeła reparcioraŭ Ahienctva televinaŭ.

Jon byŭ adnoj z telezorak pačatku 1990-ch. Upieršyniu źjaviŭsia ŭ efiry 1 studzienia 1992 hoda, zajmaŭsia muzyčnym viaščańniem, paśla stvaraŭ prajekty ŭ moładzievaj redakcyi BT, byŭ zasnavalnikam pieršaj prahramy pra mašyny «Aŭtapark».

U 2005 hodzie viadučy atrymaŭ śpiecyjalnuju premiju kiraŭnika dziaržavy dziejačam kultury i mastactva, a ŭ 2006 ačoliŭ infarmacyjny štab Alaksandra Łukašenki na prezidenckich vybarach.

Apošnim časam Kościn pracavaŭ u «Vakoł płaniety» i «Forumie».

U śniežni 2012 hoda miesca viadučaha tok-šou raptoŭna zaniaŭ Dźmitryj Bačkoŭ z «Panaramy».

Darečy, i miesca ŭ «Panaramie» Bačkovu dastałasia paśla niečakanaha sychodu kalehi. Tady ŭ Pieciarburh źjechaŭ Juryj Kruhlik.

A što ž Kościn? «Naša Niva» datelefanavałasia da samoha viadučaha. Jon rastłumačyŭ, što syšoŭ u tvorčy adpačynak. Kościn navučajecca ŭ aśpirantury Biełaruskaj dziaržaŭnaj akademii mastactvaŭ i pryznajecca, što

padrychtoŭka da abarony navukovaj pracy vymahaje zanadta šmat času, kab sumiaščać jaje z telebačańniem.

Darečy, jahonaja tema pryśviečanaja sučasnaj telerekłamie ŭ Biełarusi.

Na pytańnie, ci maje jon namier viarnucca ŭ efir, Dźmitryj Kościn adkazvaje ŭpeŭniena: «Tak». Tym nie mienš

na sajcie Biełteleradyjokampanii sa śpisu viadučych jon užo vydaleny.

Čutki źviazvali jahony sychod z pracy z publikacyjaj u internecie skandalnaha zdymku śpiačych žurnalistaŭ ANT (hladzi fota) pierad pres-kanfierencyjaj Alaksandra Łukašenki. Kościn hetuju infarmacyju kateharyčna abviarhaje i kaža, što čuje pra taki zdymak upieršyniu.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH