Volha Chižynkova pracuje siarod zorak, a zamuž vyjšła za prostaha pacana sa svajho viciebskaha padjezda, jaki nie lubić traplać u tusoŭku i nikoli nie fatahrafujecca.
«Ja pierajšła na takuju samuju pasadu ŭ Biełaruski respublikanski sajuz spažyvieckich tavarystvaŭ (spažyŭkaapieracyja), — kaža spadarynia Volha. — Voś siońnia pieršy dzień, jak vyjšła na pracu. Reč u tym, što ŭ mianie źmianilisia siamiejnyja abstaviny: ja vyjšła zamuž, a praca na telekanale zajmaje vielmi šmat času. Praca na ANT nie maje ramak — možna pajści na pracu rankam, a viarnucca pozna nočču. Moj muž byŭ hetym nie vielmi zadavoleny».
Ab pracy na ANT Volha Chižynkova raskazvaje z zadavalnieńniem.
«Heta byŭ vydatny čas, mnie było vielmi prosta pracavać u hetym kalektyvie — ja ŭsich viedała jašče da taho, jak pryjšła tudy. Usie kalehi mianie vielmi padtrymlivali. Na novym miescy, kaniečnie, składaniej — davodzicca pryzvyčajvacca da novych umovaŭ i kalektyvu. A pra čas pracy na ANT ja nie škaduju, heta było dobra».
Cikava, što Biełkaapsajuz maje najmienšy siaredni zarobak siarod ministerstvaŭ i dziaržustanovaŭ. U listapadzie 2012 hoda supracoŭniki tam zarablali ŭsiaho 2,9 miljona rubloŭ. Heta mienš za $350 u ekvivalencie.
Volha Chižynkova naradziłasia ŭ 1986 hodzie ŭ vioscy Zabaroŭje Viciebskaha rajona. Skončyła vučylišča lohkaj pramysłovaści ŭ Viciebsku, pracavała kiraŭnikom hurtka teatra mody. Paśla atrymała adukacyju ŭ Instytucie žurnalistyki BDU. U 2008 hodzie Volha Chižynkova pieramahła ŭ konkursie Mis Biełaruś. Z červienia 2012 hoda pracavała ŭ
