Šponka časoŭ paŭstańnia Kalinoŭskaha zachoŭvajecca ŭ pryvatnaj kalekcyi ŭ Hrodnie.
Unikalny artefakt byŭ znojdzieny pad Kobrynam i niekalki razoŭ pierachodziŭ z ruk u ruki.Šponka (zapinka), jakoj zašpilali manžety ci kaŭnier mužčynskaj kašuli, zroblenaja ŭ formie ščytka z vyjavaj hierba paŭstancaŭ – Pahonia razam z polskim arłom dy archaniołam Michaiłam.
Cikavaj padajecca koleravaja hama hierbu, pra jakuju možna mierkavać pa reštkach emalaŭ. Aroł na sinim fonie, Pahonia na čyrvonym, archanioł na biełym. Tradycyjnym fonam u paŭstanckaj hieraldycy byŭ čyrvony.
Padobnyja ŭpryhožvańni byli papularnyja adrazu paśla zadušeńnia paŭstańnia Kalinoŭskaha 1863-64 h. i nazyvalisia “čornaj bižuteryjaj”. Jaje nasili na znak žałoby pa zabitych dy vyviezienych u Sibir paŭstancach dy ich siemjach.Rasiejskija ŭłady zmahalisia z takoj prajavaj salidarnaści: chutka padobnyja adznaki ŭ publičnych miescach trapili pad zabaronu.
U Biełarusi na siońniašni dzień zachavalisia adzinkavyja artefakty paŭstancaŭ Kalinoŭskaha.
0
0
0
0
0
0