Pad pravasłaŭnyja Kalady na ŭschod i ŭ centr pryjduć marazy

Pavodle prahnozaŭ Respublikanskaha hidramieteacentra, u najbližejšyja sutki, 4 studzienia, u Biełarusi prahnazujecca pachmurnaje nadvorje. Na bolšaj častcy terytoryi apadki (mokry śnieh, doždž). Nočču i ranicaj u asobnych rajonach mocnyja apadki. Miescami tuman, słaby hałalod, na darohach hałalodzica. Viecier paŭnočna-zachodni 6–11 m/s, pa paŭdniovym zachadzie paryvy da 15–18 m/s.

Tempieratura pavietra na praciahu sutak minus 3 — plus 3°S, dniom pa paŭdniovym zachadzie da plus 5°S.

U Minsku 4 studzienia pachmurna. Nočču časam apadki, dniom karotkačasovyja apadki (mokry śnieh, doždž). Słaby hałalod, na darohach miescami hałalodzica. Viecier paŭnočna-zachodni 6–11 m/s. Tempieratura pavietra minimalnaja nočču minus 1 — plus 1°S,

maksimalnaja dniom 0 — plus 2°S.

5 studzienia pa krainie prahnazujecca pachmurnaje z prajaśnieńniami nadvorje. Na bolšaj častcy terytoryi karotkačasovy śnieh, mokry śnieh. Na darohach hałalodzica. Viecier paŭnočna-zachodni, paŭnočny 5–10 m/s.

Tempieratura pavietra minimalnaja nočču 0 — minus 5°S, maksimalnaja dniom minus 3 — plus 2°S.

6 studzienia ŭ Biełarusi čakajecca pachmurnaje z prajaśnieńniami nadvorje. Miescami karotkačasovy śnieh. Na darohach hałalodzica. Viecier paŭnočny 3–8 m/s.

Tempieratura pavietra minimalnaja nočču minus 2–9°S, maksimalnaja dniom minus 6 — plus 1°S.

Marazy pryjduć na ŭschod i ŭ centr krainy (Minsk, Viciebsk, Mahiloŭ, Homiel). Pryčym na ŭschodzie tempieratury mohuć apuścicca nižej za minus 10.

A voś na zachadzie krainy (Brest, Hrodna), jak prahnazujecca, zastanucca tempieratury kala nula. Marazy ŭ Baranavičach i Lidzie buduć słabyja.

0

0

0

0

0

0

BiełaPAN; SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH