Paŭdniovakarejskaja kampanija LG vypuściła ŭ prodaž televizar z ekranam u 140 sm na asnovie technałohii OLED (arhaničnych śviatłodyjodaŭ). Takim čynam pačaŭsia novy vitok u bitvie za zavajovu rynku teleekranaŭ.
Ekrany na śviatłodyjodach OLED bolš ekanamičnyja, čym vadkakryštalovyja i płaźmiennyja dysplei.
Novy televizar firmy LG budzie pieršapačatkova pradavacca ŭ Paŭdniovaj Karei, pierš čym vyjści na jeŭrapiejskija rynki.
U minułym hodzie elektronnyja hihanty LG i Samsung abviaścili pra padrychtoŭku vypusku televizaraŭ novaha pakaleńnia z dyjahanallu ekrana ŭ 55 calaŭ (140 sm),
adnak LG udałosia apiaredzić supiernika.
Abiedźvie kampanii pradstavili pratatypy hetych televizaraŭ na vystavie spažyvieckaj elektroniki ŭ Łas-Vehasie ŭ studzieni minułaha hoda, ale tolki ciapier adnoj ź ich udałosia pačać kamiercyjnuju vytvorčaść.
Hety pośpiech LG vyklikaŭ pavyšeńnie kursu jaje akcyj na 5,4% u sieradu
Baraćba za rynak
Pieršy televizar novaha pakaleńnia z ekranam 1920ch1080 piksielaŭ budzie pradavacca pa canie 10 tysiač 300 dalaraŭ.Ekśpierty miarkujuć, što takija televizary naŭrad ci stanuć bolš dastupnymi da kanca 2015 hoda. U ich masavaj vytvorčaści jość svaje składanaści.
Adnak pry hetym da 2014 hoda suśvietnyja ličby prodažaŭ televizaraŭ na OLED uzrastuć, jak čakajecca, da 1,7 młn.
Hetaja technałohija ličycca nastupnym bujnym krokam napierad u halinie stvareńnia teleekranaŭ u paraŭnańni ź viadomaj technałohijaj na vadkakryštalovych dysplejach, jakaja ciapier daminuje na suśvietnych rynkach.
Aptyčnyja ŭłaścivaści novych ekranaŭ pieraŭzychodziać pa nasyčanaści koleraŭ ekrany VKD, a vykarystańnie novych materyjałaŭ adkryvaje mahčymaść stvareńnia hnutkich dysplejaŭ.
Mienšyja dysplei OLED užo znachodziacca ŭ masavaj vytvorčaści. Kampanija Samsung vykarystoŭvaje hetuju technałohiju ŭ vytvorčaści dysplejaŭ dla svaich telefonaŭ, a kampanija Sony prymianiaje jaje ŭ svaich hulniavych prystaŭkach.
Z technałohijaj OLED supierničaje novy standart Ultra HD abo 4K dla VK-ekranaŭ, jaki dazvalaje atrymać dazvaleńnie ŭ 8 młn piksielaŭ, što ŭ čatyry razy pieravyšaje panujučy standart 1080p.
Čakajecca, što ŭ hetym hodzie na šou u Łas-Viehasie, jakoje adkryvajecca na nastupnym tydni, buduć pradstaŭleny televizary z dyjahanallu ekrana ŭ 110 calaŭ (279 sm).
Na dumku šmatlikich ekśpiertaŭ, technałohija OLED pieraŭzychodzić novy standart pa aptyčnych ułaścivaściach i zabiaśpiečvaje lepšuju jakaść malunka dla ekranaŭ pamieru 55 calaŭ..
