Siońnia Paŭłu Sieviaryncu spoŭniłasia 36.
Na dzień narodzinaŭ da palitviaźnia pryjechali kala 30 čałaviek.
Paplečniki pryvieźli z saboj manhał i šašłyk, jaki pastavili prosta ŭ dvoryku Paŭłavaj kamiendatury.
Siońnia Paŭłu Sieviaryncu spoŭniłasia 36. U miastečka Kuplin (Pružanski rajon) na dzień narodzinaŭ da palitviaźnia pryjechali kala 30 čałaviek.
Paplečniki z bresckaj supołki Chryścijanskaj demakratyi pryvieźli z saboj manhał i šašłyk, jaki pastavili prosta ŭ dvoryku Paŭłavaj kamiendatury. Blizkaść «chimii» nadavała śviatkavańniu asablivuju pikantnaść. Vyjšaŭ sapraŭdny piknik na pryrodzie. Praŭda, Pavał trymaje post, tamu smažaninaj častavalisia hości.
Niahledziačy na choład, hości nie raźjazdžalisia. Kali ściamnieła, manhał pierarabili ŭ vohnišča. Pad śmiech i žarty Pavał «traviŭ bajki» z svajho žyćcia. Padziejaj hoda jon nazvaŭ niadaŭni šlub Nasty Pałažanki i Źmitra Daškieviča. A pra ŭłasnaje viasielle skazaŭ tolki, što «ŭsio budzie niečakana, jak u Daškievičaŭ».