Łukašenka skazaŭ studentam, što skončyŭ try VNU: «Dvaccać hadoŭ vučyŭsia» 20

Na sustrečy sa studentami BDUIR Alaksandr Łukašenka pryznaŭsia, što skončyŭ try ŭniviersitety. Adnak u bijahrafii na sajcie aficyjnaha kiraŭnika dziaržavy nazvany tolki dva VNU. Dzie aficyjny lidar atrymaŭ treciuju vyšejšuju adukacyju?

U piatnicu Łukašenka skazaŭ studentam Biełaruskaha dziaržaŭnaha univiersiteta infarmatyki i radyjoelektroniki, što dakładnyja navuki — nie jaho kaniok, i jon, napeŭna, nie zmoh by vučycca ŭ hetaj VNU. Na repliku rektara BDUIR Michaiła Batury ab tym, što kiraŭniku dziaržavy b dapamahli, Łukašenka adkazaŭ, što bolš vučycca ŭžo nie choča:

«Ja ich try skončyŭ, mnie ŭžo chapiła. Dvaccać ź lišnim hadoŭ vučyŭsia".

Zhodna ź bijahrafijaj na aficyjnym internet-partale president.gov.by, Alaksandr Łukašenka skončyŭ dźvie VNU: Mahiloŭski dziaržaŭny univiersitet imia Kulašova ŭ 1975 hodzie pa śpiecyjalnaści «historyk» i Biełaruskuju sielskahaspadarčuju akademiju ŭ 1985 hodzie pa śpiecyjalnaści «ekanamist».

«Salidarnaść» pacikaviłasia ŭ kiraŭnika pres-słužby kiraŭnika dziaržavy Paŭła Lohkaha, dzie Alaksandr Łukašenka atrymaŭ treciuju vyšejšuju adukacyju.

— Detalaŭ nie viedaju, — skazaŭ kiraŭnik pres-słužby prezidenta. — Treba ŭdakładnić. U saviecki čas była jašče vyšejšaja partyjnaja škoła.

U baćki na zavodzie majstar pisaŭ: adna vyšejšaja adukacyja. A dypłom ab zakančeńni vyšejšaj partyjnaj škoły doma lažaŭ.

— Moža być, Alaksandr Łukašenka pad treciaj adukacyjaj mieŭ na ŭvazie svoj pieršy prezidencki termin?

— vykazała zdahadku karespandent.

— Nie vyklučana, — adkazaŭ Pavieł Lohki. — Prezident i raniej kazaŭ pra toje, kolki jamu daviałosia vučycca ŭ pieršyja hady.

Kiraŭnik pres-słužby prapanavaŭ pieratelefanavać jamu paźniej, a jon, u svaju čarhu, pasprabuje ŭdakładnić, jaki treci univiersitet skončyŭ Łukašenka.

Volha Słuckaja, Salidarnaść

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH