Ačapleńnie kala Łubianki.

Ačapleńnie kala Łubianki.

Siarhiej Udalcoŭ.

Siarhiej Udalcoŭ.

Siarod zatrymanych u Maskvie — Maksim Viniarski ź Minska, aktyvist «Jeŭrapiejskaj Biełarusi».

Siarod zatrymanych u Maskvie — Maksim Viniarski ź Minska, aktyvist «Jeŭrapiejskaj Biełarusi».

Pierformier «čałaviek-jajko», jaki «ni pry čym, prosta špacyruje» byŭ i na hetaj akcyi.

Pierformier «čałaviek-jajko», jaki «ni pry čym, prosta špacyruje» byŭ i na hetaj akcyi.

Da Sałavieckaha kamienia ŭskładali kvietki, ciarnovyja vianki, stužački z nadpisami «Za Rasiju biez Pucina».

Da Sałavieckaha kamienia ŭskładali kvietki, ciarnovyja vianki, stužački z nadpisami «Za Rasiju biez Pucina».

Na akcyju pryjšli viadomyja rasijskija piśmieńniki (za ačapleńniem — Dźmitryj Bykaŭ).

Na akcyju pryjšli viadomyja rasijskija piśmieńniki (za ačapleńniem — Dźmitryj Bykaŭ).

Fota MUS Rasii.

Fota MUS Rasii.

Ułady nie dazvolili praviadzieńnie Marša ŭ centry stalicy. A kali apazicyja ŭsio ž vyvieła svaich prychilnikaŭ na jaho, mitynhoŭcaŭ raździalili. Zatrymlivali ž usich, chto pryjšoŭ z płakatami. Schapili i ŭsich lidaraŭ pratestavahu ruchu.

U znak pratestu suprać zabarony akcyi, apazicyja zaklikała ludziej sabracca na Łubianskaj płoščy stalicy. Mienavita tam mieścicca FSB — pierajemnik KDB. Tam ludziej katavali ŭ savieckija časy. I tam u pamiać pra heta pastaŭleny tak zvany Sałaviecki kamień. Kala jaho, pavodle acenak ŚMI, sabralisia kala 2000 čałaviek.

Jašče niekalki tysiač zhurtavałasia kala ačapleńnia, vystaŭlenaha abapał płoščy, paviedamlajuć žurnalisty Haziety.ru I heta niahledziačy na 15-hradusny maroz. Akcyja pratestu skončyłasia razhonam i kropkavymi zatrymańniami.

MUS Maskvy acaniła kolkaść u 700 čałaviek («ź jakich 300 — žurnalisty»), u paćvierdžańnie byŭ pakazany zdymak z vyšyni. Adnak, jak adznačaje newsru.com, fota rabiłasia, kali ludzi jašče nie sabralisia.

Padčas akcyi byŭ zatrymany kaardynatar rasijskaha «Levaha frontu» Siarhiej Udalcoŭ. Heta adbyłosia paśla taho, jak jon razharnuŭ płakat «Rasija budzie svabodnaj». Taksama zatrymanyja aktyvisty Ksienija Sabčak i Illa Jašyn — pra heta jany paviedamili ŭ Tvitary. Jašyn udakładniŭ, što heta adbyłosia, kali jany paprasili ŭ palicyi dazvołu prajści da Sałavieckija kamienia. Taksama zatrymali Alaksieja Navalnaha — vychapili z natoŭpu.

Udzielniki akcyi ŭskłali da kamienia kvietki ź biełymi stužačkami z nadpisami «Za Rasiju biez Pucina», skandavali «Svabodu palitviaźniam». Ale ćviordaha scenara akcyi nie było, udzielniki nie viedali, što im rabić, i čaściakom sychodzili, «bo ničoha nie adbyvajecca», adznačajuć žurnalisty.

Palicyja zaklikała ludziej na Łubianskaj płoščy razyścisia, fatahrafavała mitynhoŭcaŭ ź viertalota. Paśla AMAP pašychtavaŭsia i prajšoŭ skroź natoŭp, adciskajučy ad Sałavieckaha kamienia. Zatrymańni tut i ŭ inšych miescach Maskvy, dzie siońnia źbiralisia pratestoŭcy, pa śviedčańniach žurnalistaŭ, byli «kropkavyja i metaskiravanyja». Chapali tych, chto skandavaŭ łozunhi, mieŭ simvoliku, uhołas krytykavaŭ dziejańni palicyi.

Pavodle źviestak MUS Rasii, u Maskvie siońnia było zatrymana 40 čałaviek, pravaabaroncy ž apryludnili śpis z 69 zatrymanych. Siarod ich jość i Maksim Viniarski ź Minska, aktyvist «Jeŭrapiejskaj Biełarusi».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?