Alaksandr Łukašenka siońnia padčas pracoŭnaj pajezdki ŭ Mahiloŭskuju vobłaść aznajomicca z chodam madernizacyi i rekanstrukcyi ilnozavodaŭ.
Kiraŭnik dziaržavy naviedaje AAT «Škłoŭski lnozavod», na jakim ŭstalavanaja bielhijskaja vysokapradukcyjnaja technałahičnaja linija pa vypracoŭcy lnovałakna. Madernizacyja na pradpryjemstvie pačałasia ŭ studzieni 2011 hoda. Zaviaršyć jaje płanujecca ŭ sakaviku 2013 hoda. Pry hetym buduć vyzvaleny 17 ha terytoryi i pieradadzieny horadu.
Pa vynikach 10 miesiacaŭ hoda vyručka ad realizacyi pradukcyi, rabot i pasłuh na pradpryjemstvie skłała Br11, 7 młrd (za 2011 hod — Br8, 2 młrd.), čysty prybytak — Br1, 6 młrd, rentabielnaść prodažaŭ — 0,7% (2011 hod — minus 8,7%). Ciapier vypracoŭka ilnianoj pradukcyi ažyćciaŭlajecca na dvuch technałahičnych linijach rasijskaj vytvorčaści.
Usiaho ŭ Biełarusi pieršasnaj pierapracoŭkaj lonu zajmaje 30 jurydyčnych asob, jakija majuć 43 vytvorčyja placoŭki.
Prahramaj madernizacyi praduhledžana, što ŭ 2015 hodzie budzie 18 vysokapradukcyjnych technałahičnych linij pa vypracoŭcy doŭhaha i karotkaha lnovałakna. Čatyry linii ŭžo ŭstanoŭleny na Dubrovienskim, Dvareckim, Pružanskim i Škłoŭskim lnozavodach.
