Alaksandr Łukašenka patrabuje žorstka vykonvać terminy madernizacyi drevaapracoŭčych pradpryjemstvaŭ.Ab hetym jon zajaviŭ siońnia, naviedvajučy AAT «Viciebskdreŭ».
«Vy pavinny pracavać, jak u vajenny čas. Ja vam daŭ vyrazny sihnał, bolš za toje, uziaŭ na siabie vialikuju adkaznaść, padpisaŭšy adpaviedny dekret, za što mianie małociać, pačynajučy ad Amieryki i zakančvajučy Rasijaj. Tamu ja nikomu nie daruju. Pracavać vy pavinny dzień i noč», — zajaviŭ jon.
«Pryjšoŭ čas napružvacca. Tamu terminy navat nie padviarhajcie sumnievu», — padkreśliŭ Łukašenka.
U čas naviedvańnia AAT «Viciebskdreŭ» Łukašenku paviedamili pra madernizacyju pradpryjemstva i realizacyju inviestprajekta pa arhanizacyi vytvorčaści draŭnianavałaknistych plit MDF / CHDF. Łukašenka aznajomiŭsia z chodam budaŭnictva novaha cecha i sučasnym technałahičnym abstalavańniem. Jak prainfarmavali Łukašenku, asnoŭnaja pryčyna pravału terminaŭ realizacyi inviestprajekta — heta vina budaŭnikoŭ, jakija nie zabiaśpiečyli naležnych tempaŭ rabot. «Heta minus dla vas, što vy nie prymusili ich pracavać jak naležyć. Tre było vykonvać hetyja abjomy», — adznačyŭ Łukašenka.
0
0
0
0
0
0
