Uviečary 10 śniežnia małady hamialčuk, pierałaziačy amal trochmietrovy płot, jaki aharodžvaje terytoryju pradpryjemstva «Homielžielezobieton», naparoŭsia na mietaličnuju piku.
U 19.25 u słužbu MNS ad vachciora pradpryjemstva pa vulicy Barysienki pastupiła paviedamleńnie, što na płocie visić mužčyna. Vyšynia płota 2,8 mietra, pa vierchu jon abstalavany mietaličnymi pikami vyšynioj 30 sm.
Prybyłyja na miesca zdareńnia supracoŭniki MNS ubačyli na płocie 19-hadovaha chłopca, jaki natknuŭsia na nakaniečnik piki. Zrezaŭšy mietaličny elemient płota, vyratavalniki pieradali maładoha čałavieka chutkaj dapamohi.
Z dyjahnazam «traŭmatyčny šok, inšarodnaje cieła ŭ zadniaj pavierchni ściahna levaj nohi» chłopca dastavili ŭ abłasnuju balnicu.
0
0
0
0
0
0
