Za porna ŭ «Adnakłaśnikach» hamialčancy pahražaje da 4 hadoŭ turmy 11
Pravodziłasia mastactvaznaŭčaja ekśpiertyza raźmieščanych u sacyjanaj sietcy fajłaŭ.
U dačynieńni da 23-hadovaj hamialčanki 7 śniežnia raspačata sprava pa č. 2 art. 343 Kryminalnaha kodeksa (vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru z vykarystańniem hłabalnaj kampjutarnaj sietki internet).
Jak paviedamili BiełaPAN u pres-słužbie UUS Homielskaha abłvykankama, dziaŭčyna na internet-resursie «Adnakłaśniki» zarehistravała ŭlikovy zapis i z metaj raspaŭsiudžvańnia parnahrafičnych materyjałaŭ raźmiaściła čatyry hrafičnyja fajły parnahrafičnaha źmiestu. Takim čynam hamialčanka dała nieabmiežavanaj kolkaści karystalnikaŭ internetu mahčymaść prahladu porna, adznačyli ŭ milicyi. Fotazdymki ŭ dziaŭčyny byli kanfiskavany, zhodna z zaklučeńniem mastactvaznaŭčaj ekśpiertyzy, fajły źjaŭlajucca parnahrafičnami materyjałami.
Na čas śledstva dziaŭčyna adpuščana pad abaviazacielstva ab jaŭcy. Joj pahražaje pazbaŭleńnie voli ad dvuch da čatyroch hadoŭ.
