Sarančukova buduć sudzić za bratoŭ Kalinoŭskich

27 kastryčnika ŭ horadzie, a zatym u vioscy Kalinoŭskich — Jakušoŭcy adbyłosia štohadovaje śviata, pryśviečanaje paŭstancam, jakoje pravodzić hramadskaść.

Vadzim Sarančukoŭ paviedamiŭ «Svabodzie», što pratakoł składzieny za ŭdzieł u masavym niesankcyjanavanym mierapryjemstvie: častka 1 artykuła 23.34 Administracyjnaha kodeksa.

U Śvisłačy byli pramovy kala mahiły Viktara Kalinoŭskaha — Kastusiova brata, a taksama na płoščy, dzie staić biust Kastusia Kalinoŭskaha. Adnak sam kiraŭnik abłasnoj arhanizacyi partyi BNF tam nie vystupaŭ.

Na dumku Vadzima Sarančukova, kali milicyja praciahvaje składać pratakoły za mierapryjemstva, jakoje adbyłosia ŭ kancy kastryčnika, heta śviedčyć pra toje, što ŭłady pa-svojmu rychtujucca da hadaviny paŭstańnia na čale z Kastusiom Kalinoŭskim.

Nastupny hod maje być abvieščany hodam Kalinoŭskaha, kaža Sarančukoŭ. Z takoj prapanovaj vystupili niekalki arhanizacyj.

27 kastryčnika ŭ Śvisłačy ludzi z roznych haradoŭ Biełarusi tradycyjna adznačali pamiać paŭstancaŭ Kalinoŭskaha. Z hetaj nahody ŭskłali kvietki na mahiłu Viktara Kalinoŭskaha, da pomnikaŭ Kastusiu Kalinoŭskamu i Ramualdu Traŭhutu, naviedali radzimu Kalinoŭskich — siadzibu Jakušoŭka.

U toj dzień milicyjanty zatrymali ŭ Śvisłačy 4-ch maładzionaŭ. Na ich skłali pratakoły za ŭdzieł u niesankcyjanavanaj akcyi i vykarystańnie niezarehistravanaj simvoliki. Paźniej usich asudzili: Stanisłavie Husakovaj ź Viciebska i Alesiu Kratu ź Minska, Vitoldu Ašurku ź Biarozaŭki prysudzili pa 3 sutak aryštu, haradzienca Vitala Łopasava aštrafavali na 3 miljony rubloŭ.

Śvisłackija demakratyčnyja aktyvisty Anatol Valuk, Jury Hlebik i Viktar Dziasiacik taksama byli pakaranyja štrafami ŭ adzin miljon rubloŭ.

Radyjo «Svaboda»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH