Zhurtavańnie biełarusaŭ śvietu «Baćkaŭščyna» 3 śniežnia atrymała adkaz na zvaroty ŭ Ministerstva zamiežnych spraŭ adnosna mahčymaści vydačy ŭjaznych viz u Biełaruś siabram Vialikaj Rady MHA «ZBS «Baćkaŭščyna» Jaŭhienu Vapu i Lenie Hłahoŭskaj.
U liście za podpisam namieśnicy Ministra zamiežnych spraŭ
paviedamlaje ab niemahčymaści stanoŭčaha vyrašeńnia hetaha pytańnia».
Nahadajem, staršyni ŭpravy «Radyjo Racyja» i hałoŭnamu redaktaru Tydniovika biełarusaŭ u Polščy «Niva» Jaŭhienu Vapu pamiežniki biez tłumačeńnia pryčynaŭ anulavali vizu pry ŭjeździe ŭ Biełaruś u traŭni 2011 hoda. Niekalki razoŭ «Baćkaŭščyna» dasyłała zvaroty ŭ MZS z prośbaj patłumačyć pryčyny anulavańnia vizy, adnak u adkaz atrymała tolki farmalnuju adpisku. U kastryčniku hetaha hoda Baćkaŭščyna paŭtorna padrychtavała nieabchodny dla afarmleńnia vizy pakiet dakumientaŭ i dasłała zvarot u MZS z prośbaj adkryć Jaŭhienu Vapu ŭjaznuju vizu ŭ Biełaruś. Adnak u listapadzie Jaŭhien Vapa ŭ Konsulstvie Biełarusi ŭ Biełastoku atrymaŭ pašpart sa štampam «admoŭlena».
Staršyni Biełaruskaha kulturnaha tavarystva «Chatka» ŭ Hdańsku Lenie Hłahoŭskaj biez tłumačeńnia pryčynaŭ było admoŭlena ŭ atrymańni biełaruskaj vizy ŭ kastryčniku hetaha hoda ŭ biełaruskim konsulstvie ŭ Biełastoku. Lena Hłahoŭskaja źbirałasia pryjechać u Hrodna dla ŭdziełu ŭ Mižnarodnaj kanfierencyi «Ludzi daŭniaj Harodni», arhanizavanaj Tavarystvam biełaruskaj škoły.
Adkaz MZS kamientuje Staršynia Rady MHA «ZBS «Baćkaŭščyna» Nina Šydłoŭskaja:
«Situacyja, na naš pohlad, vielmi niedarečnaja i prykraja. Ciažka zrazumieć, čamu ŭ Biełaruś, na etničnuju radzimu, nie puskajuć ludziej, jakija, žyvučy za miažoj, nie tolki nie zabyvajuć pra svaje karani i svaju Baćkaŭščynu, ale i prykładajuć vielmi šmat namahańniaŭ dziela papularyzacyi biełaruskaj kultury ŭ Polščy.Mienavita dziakujučy takim ludziam jak Jaŭhien Vapa i Lena Hłahoŭskaja siońnia možna havaryć pra isnavańnie biełaruskaj mienšaści ŭ Polščy. Biezumoŭna, nas vielmi niepakojać takija rašeńni biełaruskich dziaržaŭnych orhanaŭ, asabliva ŭličvajučy, što ŭ nastupnym hodzie Zhurtavańnie „Baćkaŭščyna“ ładzić Šosty źjezd biełarusaŭ śvietu. Jaŭhien Vapa i Lena Hłahoŭskaja — siabry Vialikaj Rady „Baćkaŭščyny“, znakavyja asoby dla biełaruskaj dyjaspary, čyja prysutnaść na źjeździe nieabchodnaja».
