Kolki kaštuje ultrahukavoje daśledavańnie
U dziaržaŭnych centrach ceny ŭ razy nižejšyja.
Ultrahukavoje daśledavańnie — adzin z samych papularnych sposabaŭ dyjahnostyki ŭ miedycynie.Z dapamohaj UHD možna vyjavić zachvorvańni orhanaŭ brušnoj połaści i małoha taza, serca, sustavaŭ i hałavy, a taksama prasačyć za raźvićciom płoda ŭ ciažarnych žančyn.
Prapanujem ahlad cenaŭ na UHD u šerahu staličnych klinik.
Samyja tannyja pasłuhi ŭ dziaržaŭnych centrach. Tak, UHD serca ŭ Minskim
Daśledavańnie orhanaŭ brušnoj połaści ŭ MKDC kaštuje kala 79 000 rubloŭ, u «Kraviry» i «Jevie» pa 140 000, a voś u «ŁADE» i «Lekary» pasłuha kaštuje ŭtraja daražej — 239 i 221 tysiača rubloŭ.
Daśledavańnie orhanaŭ małoha taza (hiniekałohija) samaje tannaje ŭ MKDC i «ŁADE» — 65 000 i 93 000 rubloŭ. Samaje darahoje z našaha śpisu — u «Kraviry» — 130 000 rubloŭ.
UHD sasudaŭ šyi i hałaŭnoha mozhu kaštuje ad 130 tysiač (MKDC) da 200 («Lekar»).
Jak pravilna padrychtavacca da UHD
Ad hetaha zaležać dakładnaść i abjektyŭnaść vynikaŭ daśledavańnia.
Pierad UHD orhanaŭ brušnoj połaści i ultrahukavym dupleksnym skanavańniem sasudaŭ nyrak nieabchodna na praciahu 6–7 hadzin ničoha nie jeści i nie pić, nie ŭžyvać žavalnuju humku, nie palić cyharety. Pry schilnaści da mietearyzmu i padvyšanaj masie cieła za 3 dni da daśledavańnia nielha pić hazavanyja napoi, małako, jeści čorny chleb, babovyja, kapustu. Pry hetym treba ŭžyvać aktyvavany vuhal i fiermientnyja preparaty.
UHD mačavoha puzyra, orhanaŭ mužčynskaha i žanočaha małoha taza pravodzicca pry napoŭnienym mačavym puzyry. Ahlad małoha taza ŭ žančyn transvahinalnym (unutranym) datčykam pravodzicca paśla aparažnieńnia mačavoha puzyra.
Nie patrabujecca papiaredniaja padrychtoŭka pierad UHD sasudaŭ (arteryj abo vienaŭ) kaniečnaściaŭ, mahistralnych sasudaŭ, ščytapadobnaj załozy, małočnych załozaŭ, sustavaŭ, miakkich tkanak, nyrak, orhanaŭ mašonki, ślinnych załoz, vočnych jabłykaŭ i serca.
***
Varta pamiatać, što daśledavańni karystajucca roznaj papularnaściu, adpaviedna, čerhi na niekatoryja UHD daŭžejšyja. Na praciahłaść čarhi moža ŭpłyvać i najaŭnaść adpaviednych śpiecyjalistaŭ u centrach. U lubym vypadku, aktualnuju infarmacyju pra ceny i čerhi možna daviedacca ŭ administrataraŭ centraŭ.
Ultrahukavoje daśledavańnie — nieinvaziŭny, abo biaskroŭny, sposab daśledavańnia arhanizma. Heta značyć, što pry abśledavańni na skuru pacyjenta nie akazvajecca ŭździejańnie chirurhičnymi instrumientami. Asnoŭnym instrumientam źjaŭlajucca ultrahukavyja chvali.
