Vitaŭt zahavaryŭ pa-rusku

Aŭtar histaryčnaha biestsielera «Uładary Vialikaha Kniastva» Vitaŭt Čaropka ciapier piša dla dziaciej.

Pieršaj stała kniha «Vialiki kniaź Vitaŭt», prymierkavanaja da 600-hodździa Hrunvaldskaj bitvy.

«U nas takaja moŭnaja situacyja, što bolšaja častka nasielnictva pa-biełarusku nie čytaje ci čytaje ź ciažkaściu, — tłumačyć svoj vybar Vitaŭt Čaropka. — Chaj čytačy buduć rasiejskamoŭnymi, ale heta ŭžo buduć patryjoty Biełarusi. I moža, svaich dziaciej jany addaduć u biełaruskamoŭnuju škołu».

Prajekt, jaki padrychtavaŭ Vitaŭt, naličvaje piatnaccać knih ab vialikich kniaziach dla dziaciej. Sprabavaŭ aŭtar prabicca da čytača praź dziaržaŭnyja vydaviectvy. Nie zdoleŭ. Adkazali, što knihi rasiejskamoŭnyja, a dziaržava padtrymlivaje vydańnie litaratury na rodnaj movie. «Tych, chto vybraŭ biełaruskuju movu, nie treba ničomu vučyć, jany śviadoma zrabili vybar.

Heta robicca dla tych ludziej, jakija chacieli b pryjści da biełaruščyny. I mnie zakidali, što maskalam pradaŭsia».

Čaropka dadaje, što movu treba adradžać, ale pieršasnaje — biełaruski duch. «Našy ž adradžency pačynali čytać knihi pa-rasiejsku i pa-polsku. I z hetaha pačała naradžacca biełaruskaja ideja».

Kniha «Vialiki kniaź Vitaŭt» vyjšła ŭ pryvatnym vydaviectvie «FAUinform».

***

Vielikij kniaź Vitovt / Vitovt Čaropko. — Minsk: FAUinform, 2010. — 80 s.

Siarhiej Makarevič

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0