Vyjšła kniha Navumčyka j Paźniaka «Deputaty Niezaležnaści»
U varšaŭskim vydaviectvie «Biełaruskija Viedamaści» vyjšła kniha Siarhieja Navumčyka i Zianona Paźniaka «Deputaty Niezaležnaści». U joj adlustravanyja padziei 1990–1991 hadoŭ.
«Naša kniha prymierkavanaja da
Sa słoŭ Navumčyka, «akramia analizu pracesaŭ taho času i ich upłyvu na siońniašniaje stanovišča, daśledavańnia pierajemnaści idei niezaležnaści ad VKŁ i BNR», im ź Zianonam Paźniakom «padałosia metazhodnym razburyć niekatoryja mify, jakija ŭźnikli za apošnija hady».
«Naprykład, pra toje, što Zachad nibyta padtrymlivaŭ pamknieńnie savieckich respublik da suvierenizacyi (nasamreč aktyŭna i paśladoŭna pieraškadžaŭ), ci što Stanisłaŭ Šuškievič byŭ prychilnikam niezaležnaści», — skazaŭ Navumčyk.
«Asobny raździeł, — adznačyŭ jon, — pryśviečany Vasilu Bykavu, čyja maralnaja padtrymka była dla nas vielmi važnaj. I, kaniečnie, my pišam pra svaich kaleh — deputataŭ apazicyi BNF, dziakujučy jakim stałasia mahčymaj pieramoha 25 žniŭnia 1991 hoda».
U svaju čarhu Zianon Paźniak adznačyŭ, što «ŭ demakratyčnaj biełaruskaj dziaržavie pry lehitymnaj biełaruskaj uładzie pra vialikuju histaryčnuju padzieju zdabyćcia niezaležnaści było b užo napisana šerah akademičnych manahrafij i mnostva daśledavańniaŭ». «Na žal, stałasia toje, što stałasia. Kraina trapiła ŭ pastku ŭnutranaj akupacyi, pramaskoŭskaj palityki i antybiełaruskaha režymu», — dadaŭ jon.
«Viadoma, daśledavać i apisać pracesy zmahańnia i zdabyćcia niezaležnaści pavinny b byli prafiesijnyja historyki, jakija raźbirajucca i razumiejuć, što takoje nacyjanalnaja palityka, zasnavanaja na nacyjanalnych intaresach. Adnak antybiełaruski režym za 16 hadoŭ dušeńnia hramadstva vytraviŭ nacyjanalnuju histaryčnuju navuku, zahnaŭ jaje ŭ padpolle», — zajaviŭ palityk.
«U hetaj knizie analiz, asensavańnie i ŭspaminy złučany ŭ adno, prytym pakazany z dvuch punktaŭ bačańnia dźviuma asobami — deputatami apazicyi BNF, jakija byli tady ŭ centry padziej», — padkreśliŭ Zianon Paźniak.
