Ź Biełarusi ŭ Litvu nie prapuścili Z-vahon
Na biełaruska-litoŭskaj miažy adzin z vahonaŭ hruzavoha ciahnika adčapili i nie puścili ŭ Litvu. Litoŭskich pamiežnikaŭ źbiantežyła litara Z, namalavanaj farbaj na vahonie. Ciahnik nakiroŭvaŭsia tranzitam praź Litvu ŭ rasijskuju Kalininhradskuju vobłaść.
Fota: vsat.lrv.lt
Dniom 9 traŭnia ciahnik prybyŭ na pamiežnuju ź Biełaruśsiu stancyju Kiana ŭ Litvie. Ahladajučy jaho, na adnym z vahonaŭ litoŭskija pamiežniki zaŭvažyli litaru Z, namalavanuju šeraj farbaj. Heta stała pryčynaj taho, što dalej vahon nie pajšoŭ.
«Nielha admaŭlać, što hetaja litara ŭsprymajecca ŭ Rasii jak simvał padtrymki vajny i ŭvarvańnia va Ukrainu», — adznačaje pamiežnaja słužba Litvy.
Čytajcie taksama:
Kasmanaŭt Aleh Navicki pryjechaŭ u Bresckuju krepaść u Z-majcy FOTA
U Breście ŭ akcyi «Bieśśmiarotny połk» udzielničała kałona z akupavanaj Zaparožskaj vobłaści
