AstraZeneca adklikaje svaju vakcynu ad kavidu z prodažu pa ŭsim śviecie
Kampanija tłumačyć taki krok vyklučna kamiercyjnymi mierkavańniami, źviazanymi z tym, što preparat pierastaŭ być zapatrabavanym. Ale heta jaŭna nie adzinaja pryčyna.
Fota: vecteezy.com
Brytanskaja farmaceŭtyčnaja kampanija AstraZeneca pačała adklikać dazvoły na prodaž i vykarystańnie svajoj vakcyny ad COVID-19 pa ŭsim śviecie. Jak adznačaje hazieta The Telegraph, kampanija tłumačyć taki krok vyklučna kamiercyjnymi mierkavańniami, źviazanymi z tym, što preparat pierastaŭ być zapatrabavanym.
Adnak hetaje rašeńnie było pryniata na fonie sudovaha razboru z paciarpiełymi ad redkaha pabočnaha efiektu, jaki jon vyklikaje. Pa słovach pradstaŭnikoŭ kampanii, vakcyna ŭ vielmi redkich vypadkach moža vyklikać tramboz ź sindromam trombacytapienija, pryčyny jakoha pakul nieviadomyja.
Z 7 maja viektarnuju vakcynu Vaxzevria bolš nielha vykarystoŭvać na terytoryi Jeŭrasajuza. U najbližejšyja miesiacy preparat adkličuć ź Vialikabrytanii, a taksama ź inšych krain.
AstraZeneca PLC — brytanska-šviedskaja farmaceŭtyčnaja kampanija, zarehistravanaja ŭ Vialikabrytanii. Źjaŭlajecca adnoj z najbujniejšych kampanij u śviecie, dziasiataj pa abjomie prodažaŭ recepturnych preparataŭ.
Čytajcie taksama:
Biełarusaŭ biaspłatna vakcynujuć ad jašče dźviuch chvarob
U Viciebsku miedrabotnica źniščyła vakcyny suprać karanavirusu na 53 tysiačy rubloŭ
Kamu miedyki rekamiendujuć pryščapicca ad kavidu hetaj viasnoj
