Znajści
Ałharytmičny łacinski varyjant
23.04.2024 / 10:0229RusŁacBieł

MZS Ukrainy daručyła ŭsim konsulstvam prypynić akazańnie konsulskich pasłuh dla mužčyn 18—60 hadoŭ

Aficyjna ŭkrainskija ŭłady ab uviadzieńni zabarony nie paviedamlali.

Ilustracyjnaje fota Sergeant Markus

MZS Ukrainy daručyła ŭsim konsulstvam prypynić akazańnie konsulskich pasłuh dla mužčyn 18—60 hadoŭ, piša Radyjo Svaboda.

Abmiežavańnie dostupu da konsulskich pasłuh uvodzicca ŭ suviazi z «praciaham uzbrojenaj ahresii Rasii suprać Ukrainy» i z metaj nie dazvolić hramadzianam Ukrainy paźbiahać «abaviazku pa ŭrehulavańni pytańnia vajskovaha ŭliku», śćviardžajecca ŭ liście.

Zabarona budzie dziejničać z 23 krasavika da atrymańnia viedamstvam tłumačeńniaŭ adnosna pałažeńniaŭ Zakona ab mabilizacyi, jaki nabudzie moc u mai. Da taho času ŭkraincy, jakija padpadajuć pad dziejańnie zabarony, zmohuć tolki aformić dakumienty dla viartańnia va Ukrainu.

Aficyjna ŭkrainskija ŭłady ab uviadzieńni zabarony nie paviedamlali.

Viarchoŭnaja Rada Ukrainy 11 krasavika pryniała novy zakon ab mabilizacyi, u jakim, u pryvatnaści, robiać bolš strohimi praviły vajskovaha ŭliku. Praz 5 dzion zakon padpisaŭ prezident Ukrainy Uładzimir Zialenski. Zakon ustupić u siłu ŭ mai.

Zhodna z dakumientam, usie vajennaabaviazanyja hramadzianie Ukrainy pavinny ŭdakładnić svaje vajskova-ŭlikovyja danyja na praciahu 60 dzion paśla publikacyi tekstu zakona. Heta datyčycca i tych, chto pražyvaje za miažoj, biez dakumienta ab voinskim uliku ŭkraincam nie buduć akazvać konsulskija pasłuhi.

Vajennaje stanovišča va Ukrainie dziejničaje z 24 lutaha 2022 hoda — dnia poŭnamaštabnaha rasijskaha ŭvarvańnia. Z hetaha ž dnia pačałasia i mabilizacyja. Mužčynam va ŭzroście ad 18 da 60 hod byŭ abmiežavany vyjezd z krainy. Zakanadaŭčyja normy, adnak, na dumku ŭładaŭ, nie dazvalali efiektyŭna arhanizavać praces mabilizacyi, paviedamlałasia pra šmatlikija vypadki admovy atrymlivać pozvy, źjaŭlacca pa ich dla źvierki źviestak i hetak dalej. Novy zakon, pa zadumie jaho aŭtaraŭ, pavinien ustanavić dakładnyja praviły pryzyvu i ŭzmacnić adkaznaść za ŭchileńnie ad jaho.

Čytajcie taksama:

Rasijskija vojski prarvali ŭkrainski front na paŭnočny zachad ad Aŭdziejeŭki — Bild

Časaŭ Jar. Čamu rasijanam tak važna zachapić hety horad

Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
4
Ха-ха
3
Ого
3
Сумна
4
Абуральна
1
1
babrujčanin /adkazać/
23.04.2024
.., Hety Ausłendier da 7 kastryčnika šmat " majs" razpaviadał Adno jen kaža na vonku a pasłuchajcie jaho na 9 kanale telavivskam .Jen tam ni taki chieraičny Nakont " dabraachvotnikaŭ" da Izraila paviarnuŭšychsia uzbrajenia jak im źbirali " trusy partki" vałanciery šmat cikavaha kali jany sami sabie kažuć Usie astatniaje " prapahanda" halivud Hołda miejer
0
Russkije von iz Ukrainy/adkazać/
23.04.2024
Žeŭžyk , a ty ruśsiš pih Ukrainoj ozabotiłsia?
0
Russkije von iz Ukrainy/adkazać/
23.04.2024
Vład, ruśsiš pih na oliharchov izvolat pieniať.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera