Znajści
Ałharytmičny łacinski varyjant
22.04.2024 / 21:0915RusŁacBieł

Nieruchomaść u kazyrnych łakacyjach, aŭto mianiajuć jak palčatki. Što z majomaściu ŭ Iryny Abielskaj i jaje syna?

«Lusterka» z dapamohaj kamandy Belpol vyśvietliła, jakoj majomaściu vałodaje maci Mikałaja Łukašenki, kiraŭnica lečkamisii, a ciapier jašče i «sienatarka» Iryna Abielskaja, a taksama jaje starejšy syn Dźmitryj.

Irynie Abielskaj u vieraśni hetaha hoda spoŭnicca 59 hadoŭ. Ad pieršaha šlubu ŭ žančyny jość syn Dźmitryj, ciapier jamu 38 hadoŭ. Jon — lekar-aftalmołah vyšejšaj katehoryi, kandydat miedycynskich navuk, dacent. Ciapier jon pracuje ŭ klinicy Voka ŭ Minsku.

U Iryny Abielskaj majecca nieruchomaść u staličnym mikrarajonie Drazdy, raźmieščanaja jana ŭ nievialikim tupikovym zavułku Aziornym. Heta dom № 6, jon zajmaje płošču amal 350 «kvadrataŭ». Pa hetym ža adrasie pa stanie na siaredzinu 2021 hoda byŭ zarehistravany i Dźmitryj Abielski.

Dom Iryny Abielskaj u čyrvonym pramavuholniku. Fota: «Jandeks. Karty»

Ale heta nie značyć, što toj biazdomny, u samoha Dźmitryja taksama jość nieruchomaść. U tych ža Drazdach u domie № 9 na vulicy Pijanierskaj jon vałodaje čatyrochpakajovaj kvateraj płoščaj amal 126 «kvadrataŭ» i mašyna-miescam.

Žyllo tam kaštuje niatanna. Naprykład, u tym ža domie № 9 ciapier pradajecca trochpakajoŭka sa zvyčajnym ramontam, za jaje prosiać amal 800 000 rubloŭ (kala 245 000 dalaraŭ). U susiednim domie pradajuć čatyrochpakajovuju kvateru ź interjeram bahaciejšym, jaje košt — 1 272 024 rubli (390 000 dalaraŭ).

U Dźmitryja taksama jość nieruchomaść u pryharadzie Minska, prosta kala bieraha Voŭkavickaha vadaschovišča. Tak, z 2017 hoda za im ličycca ŭčastak płoščaj 0,15 ha ŭ vioscy Voŭkavičy na vulicy Aziornaj, 1 (heta Minski rajon). Za mužčynam taksama ličyŭsia niezavieršany zakansiervavany kapitalny budynak z hatoŭnaściu 5%.

Dom № 9 na vulicy Pijanierskaj u Minsku. Fota: realt.by

Vyhladaje, što maci z synam lubiać vialikija mašyny pavyšanaj prachodnaści, pryčym ich časta mianiali. U karystańni Abielskaj byli Volkswagen Passat i Tiguan, Suzuki Grand Vitara, Volvo XC70 i CHS 60. Numary Iryna vybirała «pryhožyja», z paŭtaralnymi ličbami — 8888 i 7777. Pry hetyja jana niaredka pabłažliva staviłasia da PDR, u asnoŭnym da vykanańnia chutkasnaha režymu, za joj da siaredziny 2021 hoda ličylisia 43 parušeńni.

Dźmitryj časam kataŭsia na aŭto maci, ale ŭ jaho byli i svaje mašyny — Honda Civic, Mazda 626, Dodge Stratus, Audi Allroad, Mercedes-Benz. Mužčyna taksama časta nie vykonvaŭ PDR — na im kala 30 administracyjnych pravaparušeńniaŭ.

Padobna, što starejšy syn Abielskaj — amatar palavańnia. U jaho jość ahniastrelnaja zbroja: palaŭničy karabin «Sajha-9», strelba MR-153 i Beretta. Apošniuju zbroju ciapier možna kupić u adnoj ź minskich kramaŭ pa canie ad 6450 da 54 000 rubloŭ u zaležnaści ad madeli. 

Čytajcie taksama:

Našto Abielskaja pajšła ŭ sienatary? Raspytali jaje infarmavanych kaleh

Maci Koli Łukašenki nie atrymała vysokaj pasady ŭ Saviecie Respubliki

«Očień obrazovannaja». Voś jakaja mietadyčka botaŭ dla apraŭdańnia pryznačeńnia Abielskaj sienatarkaj

Za što pasadzili dzieda Koli Łukašenki: padrabiaznaści zachaplalnaj historyi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
18
Ха-ха
2
Ого
7
Сумна
7
Абуральна
60
2
IMIA/adkazać/
23.04.2024
Kotya, a my i pytajemsia. Ale ž adkazaŭ niama.
7
Niabot/adkazać/
23.04.2024
Kotya, pasłuchaj, kali biełarusy nia chočuć padtrymlivać Cichanoŭskuju finansava, moža, car nie nastajaščy, ha? Čyi intaresy adstojvaje taki nielehitymny dziejač na ŭtrymańni zamiežnych papikaŭ? Nie biełarusaŭ dakładna, bo nivodnaha! vynika jaje pracy ŭ Biełarusi biełarusy nie bačyli za ŭsie hetyja hady! 
1
Maksim Dizajnier/adkazać/
23.04.2024
A vy dalšie choditie na svoi zavodiki, proletarii čumazyje. I bulbu v hriaznych dyriavych rastianutych trienikach v "Šarikach" sažajtie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera