Biełarusy i ŭkraincy razam naładzili vytvorčaść udarnych dronaŭ
Frantavyja vyprabavańni paćvierdzili ich efiektyŭnuju pracu.
Dron FlightCore Dynamics. Fota: telehram-kanał Prague Support Team
Prague Support Team, jakaja dapamahaje biełaruskim vałancioram, sumiesna ź biełaruskimi piłotami i kamandaj biełaruskich i ŭkrainskich inžynieraŭ arhanizavała vytvorčaść udarnych FPV-dronaŭ pad brendam FlightCore Dynamics. Pra heta paviedamlaje vydańnie Reform.news.
Pieršaja partyja prajšła frantavyja vyprabavańni ŭ lutym —sakaviku ŭ troch padraździaleńniach Uzbrojenych sił Ukrainy.
Fota: telehram-kanał Prague Support Team
Havorka idzie pra:
- RUBpAK «Niebiesna Kara» 54 AMBr;
- padraździaleńnie «Ślipa Luť» UDA;
- 1 ADŠR/RUBpAK «Piarun» 79 ADŠBr.
«Frantavyja vyprabavańni paćvierdzili efiektyŭnuju pracu vyrabaŭ u samych składanych umovach procidziejańnia varožych REB», — zajavili ŭ Prague Support Team.
Kamanda publikuje videa, na jakim biełaruskija piłoty ŭ režymie «svabodnaha palavańnia» na dalokich dystancyjach adpracavali pa BMP i tanku.
Na siońnia pastaŭlena 25 dronaŭ, bolšaja častka ź jakich prafinansavana za košt ułasnych resursaŭ kamandy PST. Častku dronaŭ apłaciła meryja češskaha horada Ržyčany.
Čytajcie taksama:
Bieśpiłotniki paralizujuć pole boju ŭ vajnie va Ukrainie
Časaŭ Jar. Čamu rasijanam tak važna zachapić hety horad
Zialenski: U nas zastałosia 0 rakiet, tamu rasijanie źniščyli Trypolskuju CES
