Niamiecki miljarder, jaki bieź viestak źnik u 2018-m, znajšoŭsia ŭ Rasii. Zdajecca, z kachankaj
Kiraŭnik niamieckaha chołdynha Tengelmann (vałodaje sietkaj budaŭničych kramaŭ OBI) Karł-Eryvan Chaŭb źnik viasnoj 2018 hoda na kurorcie ŭ Alpach. Jon adpraviŭsia pakatacca na łyžach, paśla čaho pierastaŭ vychodzić na suviaź. Praz try hady akruhovy sud Kiolna pryznaŭ biznesmiena zahinułym.
Karł-Eryvan Chaŭb. Fota Roland Weihrauch/Getty Images
Adnak kropka ŭ historyi nie była pastaŭlenaja. U niamieckich ŚMI stała źjaŭlacca infarmacyja, što, mahčyma, Chaŭb usio ž žyvy. Pierad źniknieńniem jon časta telefanavaŭ u Rasiju Vieranicy Jarmiłavaj — kachancy, maładziejšaj jaho na 20 hadoŭ. Jana pracuje ŭ pieciarburhskaj kampanii, jakaja arhanizoŭvaje tury dla łyžnikaŭ i alpinistaŭ. Niamieckija ŚMI ličać jaje źviazanaj z FSB.
Vyhladaje, što Chaŭb pierabraŭsia ŭ Rasiju i pačaŭ novaje žyćcio. Hrupa izrailska-amierykanskich śledčych navat zmahła atrymać jaho fatahrafii Chaŭba z Maskvy.
Jak paviedamlajuć žurnalisty, Karł-Eryvan moh schavacca ŭ Maskvie, tamu što byŭ ciesna źviazany z udzielnikami schiemy «rasiejskaha łandramata» — adnoj z najbujniejšych schiem admyvańnia hrošaj, u jakoj zaśviacilisia dziasiatki rasijskich bankaŭ, a taksama banki Małdovy i Łatvii.
