Znajści
Ałharytmičny łacinski varyjant
15.04.2024 / 15:5115RusŁacBieł

Simańjan zaklikała pucincaŭ brać prykład z Muraŭjova-Viešalnika

Hałoŭnaja redaktarka kanała Russia Today Marharyta Simańjan u efiry prapahandysckaha šou Uładzimira Sałaŭjova zaklikała viešać praciŭnikaŭ Uładzimira Pucina.

Skrynšot: Rośsija 1

Pry hetym Simańjan praviała histaryčnyja paraleli i pastaviła ŭ prykład vilenskaha hienierał-hubiernatara hrafa Michaiła Muraŭjova, jaki atrymaŭ mianušku «Viešalnik». Prapahandystka ŭzhadała pra pakarańnie lidaraŭ paŭstańnia 1863-1864 hadoŭ, nazvaŭšy ich «bajevikami».

«Byŭ u našaj historyi taki hraf Muraŭjoŭ, viešalnik usim viadomy. Jon byŭ svajak paviešanaha dziekabrysta — inšaha Muraŭjova. I kali jamu na heta narakali, jon kazaŭ: «Ja nie z tych Muraŭjovych, jakich viešali. Ja z tych Muraŭjovych, jakija viešajuć sami».

I sapraŭdy paviesiŭ publična 128 bajevikoŭ, jakich, naturalna, zachodniaja presa nazyvała nijakimi nie bajevikami, a insurhientami, paŭstancami, udzielnikaŭ polskaha paŭstańnia, jakija tvaryli niejmaviernyja źvierstvy padčas hetaha paŭstańnia nie tolki ŭ dačynieńni da vajskoŭcaŭ rasijskich, ale i ŭ dačynieńni da duchavienstva i prostych ludziej», — zajaviła Simańjan.

Hałoŭnaja redaktarka RT vykazała mierkavańnie, što «mienavita takija viešalniki ciapier patrebnyja Rasii». Simańjan adznačyła, što viešać apanientaŭ Pucina i ŭvodzić žorstkuju vajskovuju cenzuru treba i na akupavanych terytoryjach Ukrainy.

Fihura Michaiła Muraŭjova aktyŭna vykarystoŭvajecca prarasijskimi aktyvistami ŭ Biełarusi. Jany nazyvajuć hrafa «nacyjanalnym hierojem» i prapanujuć pastavić Muraŭjovu pomnik.

Čytajcie taksama:

Andersan. Zahadkavy viazień u haradzienskaj turmie ŭ 1863 hodzie

Što stała z rasijskimi pomnikami, jakija impieryja staviła ŭ nacyjanalnych pravincyjach

Aktyvisty daviedalisia, chto i kali źnios pamiatny znak u honar paŭstańnia 1863 hoda ŭ Hrodnie

U Kalininhradzie ŭračysta adkryli pomnik Muraŭjovu-Viešalniku

«Kalinoŭski — vielmi važnaja postać, ale paŭstańnie 1863-ha było katastrofaj» — Łatyšonak 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
8
Ха-ха
0
Ого
2
Сумна
1
Абуральна
63
0
Ihnat Hryniavicki/adkazać/
15.04.2024
Braty ukraincy i biełarusy! Zaklikaju brać prykład ź mianie i vinšavać roznych maskavickich carkoŭ šykoŭnymi statuetkami kab ich chalera razarvała papałam.
0
Oj vej/adkazać/
15.04.2024
Nord , nie svaryciesia, vy ž abodva russkija ludzi! 
0
Vasia/adkazać/
15.04.2024
Obyknoviennyj fašizm
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera