TikTok vyznačyŭsia z nazvaj novaj sacsietki, što maje stać kankurentam instahramu
Karystalniki sacsietki TikTok pačali atrymlivać apaviaščeńni, što servis «nieŭzabavie» zapuścić novuju prahramu — TikTok Notes. Ličycca, što novaja sacsietka stanie kankurentam instahramu, piša Devby.io.
Zhodna z paviedamleńniem, u prahramie možna budzie publikavać fatahrafii, a taksama ŭ joj buduć adlustroŭvacca najaŭnyja fota karystalnika TikTok. Ad hetaj funkcyi možna budzie admovicca.
Kampanija paćvierdziła, što pracuje nad prahramaj, adnak pakul jana niedastupnaja dla šyrokaj publiki. Raniej u sakaviku karystalniki vyjavili ŭ kodzie TikTok zhadku servisu dla publikacyi fatahrafij — TikTok Photos.
«U ramkach našaha pastajannaha imknieńnia da inavacyj u TikTok my vyvučajem sposaby pašyryć mahčymaści našaj supolnaści, kab stvarać i dzialicca svajoj tvorčaściu z dapamohaj fatahrafij i tekstu ŭ śpiecyjalnaj prastory dla hetych farmataŭ», — skazaŭ pradstaŭnik kampanii.
Čytajcie taksama:
Łucki: Šmat ludziej vykładvaje ŭ tyktokach svaje fatahrafii ź dziaržaŭnaj simvolikaj
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
