Ciumieniec uvioz ź Biełarusi 28 mašyn «dla asabistaha karystańnia»

Fota ilustracyjnaje

Žychar Ciumieni pierahaniaŭ aŭtamabili ź Biełarusi z pačatku 2022 hoda pa červień 2023-ha. Mytnikaŭ jon zapeŭnivaŭ, što mašyny ŭvozić vyklučna dla asabistaha karystańnia.

«Z pačatku 2022 hoda pa lipień 2023 hoda ŭradženiec Ciumienskaj vobłaści zavioz u Rasiju z Respubliki Biełaruś 28 transpartnych srodkaŭ: BMW X7, Kia Rio, Volkswagen Tiguan. U zajavie na apłatu ŭtylizacyjnaha zboru jon paznačyŭ kaeficyjent, jaki prymianiajecca pry ŭvozie fizičnaj asobaj dla asabistych i siamiejnych patreb», — raskazali na mytni partału ura.news.

Adnak nieŭzabavie vyśvietliłasia, što na ŭlik mužčyna pastaviŭ tolki dva aŭtamabili, astatnija byli paśpiachova pradadzienyja. Ciapier ciumiencu daviadziecca zapłacić 7 miljonaŭ rasijskich rubloŭ — heta bolš za 75 tysiač dalaraŭ.

Niadaŭna Polšča, Litva i Łatvija pierastali vypuskać u Biełaruś aŭtamabili z abjomam ruchavika bolš za 1,9 litra i koštam bolš za 50 tysiač dalaraŭ. Takim čynam krainy zmahajucca z pastaŭkaj darahich aŭto ŭ Rasiju ŭ abychod sankcyj.

Čytajcie taksama:

Łatvija ŭśled za Polščaj pierastała puskać u Biełaruś mašyny na tranzitnych numarach 

«Na miažy kałaps». Polšča ŭviała abmiežavańni pa ŭvozie aŭtamabilaŭ praź biełaruski pahranpierachod

«Pry mnie šukali abjavy na Avita». Biełaruski pierahonščyk mašyn ź ES u Rasiju raskazaŭ, jak palaki znajšli ŭpravu na jaho

Mytny kamitet vypuściŭ kamientar pra abmiežavańni, uviedzienyja Polščaj dla aŭto. Biełaruskija mytniki daviedalisia pra ich ad ŚMI

Polšča pierastała prapuskać u Biełaruś lehkavyja aŭtamabili na tranzitnych numarach

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

9

2

10

1

1

7