Ukraina prabiłasia na Jeŭra-2024, pavaliŭšy Isłandyju za 5 chvilin da kanca matča
U druhim finale stykavych matčaŭ palaki pieramahli pa pienalci Uels.
Fota: Czarek Sokolowski / AP
Ukraina i Isłandyja nie zdoleli trapić na čempijanat Jeŭropy pa futbole praz zvyčajny adbor, tamu mieli druhi šaniec praz stykavyja matčy — tak zvany šlach B.
Isłandcy na minułym tydni vyjhrali na niejtralnym poli ŭ Izraila 4:1, a Ukraina pieramahła Bośniju — 2:1.
Siońnia Ukraina i Isłandyja sustrelisia na niejtralnym poli ŭ Polščy.
Jak z Bośnijaj ukraincy pieršymi prapuścili, a potym vysiłkami Viktara Cyhankova i Michaiła Mudryka pieramahli — 2:1.
Ukraina jedzie na čempijanat Jeŭropy pa futbole, jaki ŭletku projdzie ŭ Niamieččynie.
Našy paŭdniovyja susiedzi buduć hulać u hrupie ź Bielhijaj, Słavakijaj i Rumynijaj.
Apošnim udzielnikam Jeŭra-2024 stała Polšča, jakaja ŭ sieryi pienalci ŭ Kardyfie vyjhrała va Uelsa — 5:4.
Čempijanat Jeŭropy pa futbole projdzie z 14 červienia pa 14 lipienia ŭ Niamieččynie. Matčy projduć na stadyjonach Bierlina, Dortmunda, Dziusieldorfa, Frankfurta, Hamburha, Kiolna, Lejpcyha, Miunchiena i Štutharta.
Hrupa A: Niamieččyna, Šatłandyja, Vienhryja, Šviejcaryja.
Hrupa V: Ispanija, Charvatyja, Italija, Ałbanija.
Hrupa S: Anhlija, Słavienija, Sierbija, Danija.
Hrupa D: Polšča, Niderłandy, Francyja, Aŭstryja.
Hrupa Je: Bielhija, Słavakija, Rumynija, Ukraina.
Hrupa F: Partuhalija, Turcyja, Hruzija, Čechija.
Čytajcie taksama:
Hruzija vyjšła na čempijanat Jeŭropy pa futbole. I heta miehasiensacyja
Čamu zbornaja Japonii pa futbole pačynaje ŭsie matčy ŭ dziŭny čas? Hulnia z KNDR startavała ŭ 19:23
