Znajści
Ałharytmičny łacinski varyjant
24.03.2024 / 16:021RusŁacBieł

Dačakalisia. Jakim budzie nadvorje ŭ Biełarusi ŭ apošni tydzień sakavika

Niahledziačy na ​​daždžy i vobłačnaść, siaredniesutačnaja tempieratura čakajecca stanoŭčaj. Kali i buduć pachaładańni, to karotkačasovymi. Pra heta ŭ efiry prahramy «Mieteahid» raskazaŭ sinoptyk Dźmitryj Rabaŭ.

U pačatku tydnia kiravańnie nadvorjem piarojdzie da atmaśfiernych frantoŭ z Bałtyjskaha mora. Jany pryniasuć z saboj ščylnyja abłoki, u bolšaść rajonaŭ karotkačasovyja daždžy, nočču i ranicaj mahčymy mokry śnieh. 

U ranišnija hadziny miescami tuman. Vilhotnaść da 90 pracentaŭ. 

Viecier zachodni, paŭnočna-zachodni, umierany. Unačy ad -3 da +3°C. U paniadziełak ad +7 da +10°C, u aŭtorak da +11°C. 

Ale ŭžo ŭ siaredzinie apošniaha tydnia sakavika, adznačaje sinoptyk Dźmitryj Rabaŭ, situacyja ŭ atmaśfiery prykmietna źmienicca, bo za nadvorje ŭ Biełarusi stanie adkaznaja vobłaść vysokaha atmaśfiernaha cisku. 

Z-za hetaha ŭ abłokach zjaviacca prajaśnieńni — vierahodnaść apadkaŭ źnizicca. Ranicaj miescami varta čakać słaby tuman, vilhotnaść prahnazujecca da 70%. Što tyčycca vietru, jon budzie słabym, paŭdniovych napramkaŭ. 

Tempieratura pavietra nočču pa prahnozie — ad -2°C da +3°C. U sieradu dniom — da +12°C, a ŭ čaćvier — da +15°C. 

I, papiarednie, u piatnicu z ranicy i na praciahu dnia ŭmovy nadvorja pačnuć vyznačać čarhovyja atmaśfiernyja franty z paŭnočnaha zachadu Jeŭropy. U vyniku budzie pieravažać vobłačnaje z prajaśnieńniami i nievialikimi apadkami nadvorje. 

U ranišnija hadziny słaby tuman, bačnaść da kiłamietra. Vilhotnaść da 90% pracentaŭ. Viecier umierany. Unačy ad -2 da +2°C. Maksimalnaja tempieratura — 14°C. 

Sinoptyki čakajuć, što apošnija sakavickija vychodnyja buduć chmarnymi, z prajaśnieńniami. Miescami mahčymy niepraciahłyja daždžy. Tuman z bačnaściu da 500 mietraŭ — taksama miescami, nočču i ranicaj. Vilhotnaść da 90 pracentaŭ. Viecier umierany paŭdniovy, zaklučyŭ sinoptyk Dźmitryj Rabaŭ. 

Tempieratura pavietra ŭ načny čas čakajecca ad +3 da +8°C, u subotu ŭ siaredzinie dnia da +15°C, u niadzielu da +17°C — amal jak letam!

Čytajcie taksama:

U jakija krainy biełarusy mohuć adpravicca na adpačynak bieź vizy? Śpis vialiki, ale jość niuansy

«Ja dahetul u śnie pradaju kvietki». Ci ŭdałosia vyjści ŭ plus vałožynskaj siamji, jakaja ŭkłałasia ŭ vyroščvańnie 7 tysiač ciulpanaŭ?

Piłoty samalota zasnuli padčas palotu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
0
Ха-ха
1
Ого
0
Сумна
3
Абуральна
3
0
Žvir /adkazać/
24.03.2024
Mesiac viasny ŭžo minuŭ. Kaho i čym jon paradvaŭ? Pa-mojmu liudzi pierastali zaŭvažać viasnu, žyvuć - aby horaj nie było, u viečnaj baraćbie z prabliemami. Heta i z navinaŭ bačna, pazytyŭnych niama, miarkuju nie tamu, što ich nie šukajuć... Viadoma ž, idzie vajna, štodzieņ śmierć zabiraje tysiačy maładych žyćciaŭ, i kanca joj nia bačna. Depresniak ciśnie, što durny. Viasna hetaha nia viedaje, pryjšla vo, jak zvyčajna, i nikomu nie patrebnaja.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031