Z 1 krasavika pavialičycca bazavaja vieličynia, jakaja nie mianiałasia 5 hadoŭ
U Biełarusi z 1 krasavika źmienicca bazavaja arendnaja vieličynia, jakuju vyznačaje pastanova ŭrada №200 «Ab ustanaŭleńni bazavaj arendnaj vieličyni», apublikavanaja na Nacyjanalnym pravavym internet-partale.
Z 1 krasavika bazavaja arendnaja vieličynia budzie składać 17,76 rubla zamiest ciapierašnich 16,9 rubla.
Bazavaja arendnaja staŭka nie źmianiałasia ŭ krainie z sakavika 2019 hoda. Praŭda, u 2020-m urad pavialičyŭ było staŭku da 17 rubloŭ 85 kapiejek, adnak paśla ŭvioŭ maratoryj i adkaciŭ staŭku na raniejšyja značeńni. Jak tłumačyli va ŭradzie, niepavyšeńnie bazavaj arendnaj vieličyni było nakiravana na zachavańnie ŭmoŭ dla stabilnaha funkcyjanavańnia biełaruskaha biznesu.
Pamier staŭki arendnaj płaty vyznačajecca dla arandataraŭ u zaležnaści ad popytu na tavary i kamiercyjnaj vyhady ad zdačy pamiaškańnia abo ziamli ŭ arendu.
Raniej u Dziaržaŭnym kamitecie pa majomaści paviedamlali, što bazavaja arendnaja płata pryviazanaja da biełaruskaha rubla, arendnaja płata za majomaść taksama raźličvajecca i spahaniajecca vyklučna ŭ biełaruskaj valucie.
Čytajcie taksama:
Apublikavany ŭkaz, jaki zakranie pakupnikoŭ kvater ad «Dany»
U Minsku pradajuć z aŭkcyjonu viadomuju kramu kanfiskatu. Cana pytańnia — $2,5 miljona
