Aštrafavali za «ekstremizm» pravasłaŭnaha śviatara z Hrodna
Kliryk damavoha chrama Śviaciciela Mikałaja Cudatvorca Hrodzienskaha jeparchijalnaha ŭpraŭleńnia na Archirejskim padvorku Mikałaj Hajduk byŭ padvierhnuty administracyjnamu spahnańniu, paviedamiła «Chryścijanskaja vizija».
22 studzienia pry manitorynhu sacyjalnych sietak śviatara było vyjaŭlena, što ŭ jaho va «UKantakcie» była raźmieščana infarmacyjnaja pradukcyja z łahatypam «TUT.BY», a taksama fatahrafija Jozefa Hiobielsa sa svastykaj. Dziejańni byli kvalifikavanyja jak zachoŭvańnie ekstremisckich materyjałaŭ z metaj raspaŭsiudžvańnia (č. 2 art.19.11 KaAP RB), a taksama raspaŭsiudžvańnie nacysckaj simvoliki (č. 1 art. 19.10 KaAP RB).
12 i 15 sakavika adbyŭsia sud. Hajduk rastłumačyŭ, što nacysckuju simvoliku jon raźmiaščaŭ jak častku histaryčnaj fatahrafii z metaj krytyki nacysckich pohladaŭ, što paćviardžałasia i kantekstam raźmieščanaj im infarmacyi. Adnak sudździa suda Leninskaha rajona Hrodna Natalla Kozieł pryznała jaho vinavatym i pryznačyła štraf u pamiery 1600 rubloŭ.
Čytajcie taksama:
Chryścijanskamu prapaviedniku Siarhieju Mieljancu dali 13 sutak aryštu
Pravasłaŭnaha śviatara ź Pinska zabrali ŭ vojska, jon słužyć u desancie
