Rasiju čakaje rezkaje padaražeńnie lekaŭ
U Rasii rezka padaraželi farmaceŭtyčnyja substancyi, ź jakich vyrablajuć lekavyja preparaty. U 2023 hodzie ich košt pavialičyŭsia na 26% — da $116 za 1 kh.
Heta vynikaje sa spravazdačy analityčnaj kampanii DSM Group, pišuć Moscow Times sa spasyłkaj na «Viedomosti». «Padaražańnie substancyi moža vieści da pavieličeńnia cany na kančatkovy pradukt (h. zn. na preparaty)», — adznačyła dyrektar pa raźvićciu biznesu farmvytvorcy «Hierafarm» Śviatłana Zakirava.
Košt substancyj — dastatkova adčuvalnaja častka cany lekaŭ, ale kankretny jaje ŭkład u kančatkovy košt preparata zaležyć ad miedykamienta, rastłumačyŭ pradstaŭnik «Binafarm hrup». Na dadzieny momant rasijskija vytvorcy zakuplajuć substancyi ŭ asnoŭnym u Kitai i Indyi.
«Heta nie rasijskaja, a suśvietnaja tendencyja», — śćviardžaje prezident kampanii «Aktyŭny kampanient» Alaksandr Siamionaŭ. Pavodle jaho słoŭ, dola rasijskich substancyj na ajčynnym rynku składaje nie bolš jak 8-10 pracentaŭ.
Paśla pačatku vajny va Ukrainie ŭ Rasii rezka skaraciłasia kolkaść dastupnych lekaŭ. U 2023 hodzie z asartymientu źnikli 2,2 tys. handlovych pazicyj, padličvali raniej u DSM Group.
Usiaho ŭ aptekach pa vynikach hoda było dastupna 19,4 tys. lekavych srodkaŭ, abo na 11 pracentaŭ mienš, čym hodam raniej.
Čytajcie taksama:
Navukoŭcam atrymałasia «vyrazać» DNK VIČ z zaražanych kletak
Jakija biełaruskija kliniki najbolš zapatrabavanyja ŭ zamiežnikaŭ
