Akcioru Michaiłu Jafremavu ŭchvalili ŭmoŭna-daterminovaje vyzvaleńnie
Rasijski akcior Michaił Jafremaŭ, jaki adbyvaje termin źniavoleńnia ŭ kałonii za darožna-transpartnaje zdareńnie, što pryviało da śmierci, moža być vyzvaleny ŭmoŭna-daterminova. Pra heta paviedamiŭ ahienctvu TASS staršynia Hramadskaj naziralnaj kamisii Maskvy Hieorhij Vołkaŭ.
Pavodle Vołkava, chadajnictva Jafremava pra ŭmoŭna-daterminovaje vyzvaleńnie było ŭchvalenaje administracyjaj kałonii ŭ Biełharadskaj vobłaści, dzie jon adbyvaje pakarańnie. Kančatkovaje rašeńnie pra daterminovaje vyzvaleńnie akciora pavinien budzie vynieści sud, data jakoha pakul nieviadomaja.
8 červienia 2020 hoda Michaił Jafremaŭ trapiŭ u avaryju ŭ Maskvie. Jahony aŭtamabil urezaŭsia ŭ furhon, kiroŭca jakoha pamior u balnicy ad atrymanych traŭmaŭ. Jak pakazała ekśpiertyza, akcior sieŭ za rul pjanym.
U vieraśni 2020 hoda sud pryhavaryŭ Jafremava da vaśmi hadoŭ kałonii. Paźniej hety termin byŭ skaročany da siami z pałovaj hadoŭ, bo akcior kampiensavaŭ maralnuju škodu svajakam zahinułaha. Hetaja sprava, uličvajučy viadomaść Michaiła Jafremava, vyklikała vialiki hramadski rezanans.
Čytajcie taksama:
Rasijskaha akciora Michaiła Jafremava prysudzili da vaśmi hadoŭ kałonii
Akcior Michaił Jafremaŭ na pasiadžeńni suda pryznaŭ vinu ŭ śmiarotnym DTZ
Juryst: Michaił Jafremaŭ znachodzicca ŭ rukach advakata-šarłatana
Akcior Michaił Jafremaŭ pad chatnim aryštam admoviŭsia ad ałkaholu
