U Hrodnie likvidujuć jašče adnu litoŭskuju arhanizacyju
Mižnarodnuju hramadskuju arhanizacyju «Kłub «Hierviečaj» likvidujuć praz Hrodzienski abłasny sud. Pasiadžeńnie zapłanavana na 23 listapada. Arhanizacyja prapracavała amal 30 hadoŭ i raźvivała supracoŭnictva Litvy i Biełarusi. Pry hetym jana «padtrymlivała kurs kiraŭnictva» Biełarusi, adznačaje Hrodna Life.
Litoŭcy na Fiestyvali nacyjanalnych kultur u Hrodnie. Fota: «Hrodzienskaja praŭda»
Arhanizacyja zarehistravanaja ŭ 1994 hodzie ŭ vioscy Rymdziuny Astravieckaha rajona. Heta adna ź litoŭskich arhanizacyj, jakich raniej było šeść. U raniejšyja časy arhanizacyja arhanizoŭvała mierapryjemstvy razam z Astravieckim rajvykankamam i pasolstvam Litvy ŭ Biełarusi, dapamahała vydavać knihi.
U arhanizacyi było 394 členaŭ. Mety jaje — supracoŭnictva i ŭmacavańnie davieru i ŭzajemarazumieńnia pamiž narodami Biełarusi i Litvy, zachavańnie histaryčnaj pamiaci i kultury. Kiraŭnictva arhanizacyi padkreślivała, što jana «padtrymlivaje kurs, jaki pravodzicca kiraŭnictvam Respubliki Biełaruś».
Raniej taksama likvidavali hramadskaje abjadnańnie litoŭcaŭ «Himcinie».
Čytajcie taksama:
U Biełarusi likvidujuć hramadskaje abjadnańnie «Dzieci Čarnobyla»
Miniust likviduje SaveUs — arhanizacyju dapamohi biazdomnym žyviołam
Z 2020 hoda ŭ Biełarusi likvidavali nie mienš za 1372 niekamiercyjnyja arhanizacyi — pravaabaroncy
