Na spatkańnie ŭślapuju razam ź dziaŭčynaj pryjšli jaje 23 svajaki. Usio skončyłasia sudom
U Kitai mužčyna zaprasiŭ dziaŭčynu na spatkańnie ŭ restaran. Taja pryjšła, ale supravadžała jaje bolš za dva dziasiatki svajakoŭ. Jašče bolšaje ździŭleńnie ŭ mužčyny vyklikaŭ rachunak, jaki jamu prynieśli ŭ kancy viečara — ahulny košt viačery skłaŭ amal 3 tysiačy dalaraŭ.
Chłopiec admoviŭsia apłačvać vielizarny rachunak i pakinuŭ restaran. Jaho spadarožnica apłaciła viačeru sama, ale paźniej zapatrabavała viarnuć joj pałovu sumy. Mužčyna ŭ adkaz prapanavaŭ kampiensavać tolki 500 dalaraŭ.
Urešcie aburanaja dziaŭčyna padała ŭ sud, adnak paśla razhladu spravy sudździa vynies rašeńnie na karyść maładoha čałavieka. U vyniku niaŭdałaje spatkańnie abyšłosia chłopcu ŭ 196 dalaraŭ — heta suma, jakaja pakryła toje, što źjeŭ jon i jaho spadarožnica.
Ci było ŭ ich druhoje spatkańnie, nieviadoma.
Čytajcie taksama:
U Šviecyi apieratar tancavalnaha šou kamieraj adpraviŭ ekaaktyvista ŭ nakdaŭn
