Šeść hadoŭ kałonii va ŭmovach uzmocnienaha režymu prysudzili ajcišniku z Bresta
Brescki abłasny sud zaviaršyŭ razhlad kryminalnaj spravy supracoŭnika IT-kampanii Paŭła Pietručeni. Jaho abvinavacili ŭ raspalvańni sacyjalnaj varožaści, jakaja ździejśnienaja hrupaj albo paciahnuła ciažkija nastupstvy (č. 3 art. 130 KK), piša «Viasna».
Pavieł Pietručenia
Spravu razhladaŭ sudździa Mikałaj Siańko, dziaržabvinavaŭca — prakuror Alaksandr Bohuš.
Jak piša «Viasna», Bresckaje telebačańnie pakazała videarepartaž, ź jakoha vynikaje, što Pavieł u 2013—2018 hadach pracavaŭ u Departamiencie achovy Bresckaj vobłaści viadučym inžynieram-elektronikam i atrymaŭ dostup da asabistych źviestak supracoŭnikaŭ, jakija ŭ 2020 hodzie nibyta pieradaŭ u «Čornuju knihu Biełarusi».
Sa słoŭ aŭtaraŭ rolika, Pavieł «ščyra vieryŭ, što dapamahaje adnavić spraviadlivaść i abaraniaje paciarpiełych ad supracoŭnikaŭ, jakija pieravysili svaje paŭnamoctvy padčas zatrymańnia pratestoŭcaŭ».
Paŭłu prysudzili šeść hadoŭ kałonii va ŭmovach uzmocnienaha režymu.
