Rasija na Siomuchu atakavała Kijeŭ bieśpiłotnikami i rakietami
Usie jany byli źbityja.
Ilustracyjnaje fota: Defence.ua
Usie rakiety i bieśpiłotniki, zapuščanyja ŭ bok Kijeva, byli źbityja SPA na dalokich podstupach da horada, paviedamiŭ kiraŭnik Kijeŭskaj haradskoj vajennaj administracyi Siarhiej Papko.
Pavodle jaho słoŭ, rakiety byli tradycyjna zapuščanyja z rajona Kaśpijskaha mora rasijskimi stratehičnymi bambardziroŭščykami Tu-95MS.
«Pavodle papiaredniaj infarmacyi, u stalicu nivodnaja pavietranaja cel nie dalacieła. Usio, što nakiroŭvałasia ŭ bok horada, SPA źniščyła jašče na dalokich podstupach. Druhuju noč kijeŭcy nie čujuć hukaŭ vybuchaŭ nad hałavoj. Ščyraja padziaka našaj supraćpavietranaj abaronie za vyratavanyja žyćci», — havorycca ŭ zajavie Papko.
Jon taksama asudziŭ Maskvu za ataku na Siomuchu, jakuju pravasłaŭnyja chryścijanie adznačajuć u hetuju niadzielu.
U noč na niadzielu pavietranaja tryvoha była abvieščana va ŭsich ukrainskich rehijonach. Ciapier praktyčna va ŭsich abłaściach Ukrainy sihnał pavietranaj tryvohi admienieny, paviedamlaje Bi-bi-si.
