Znajści
Ałharytmičny łacinski varyjant
08.06.2023 / 15:141RusŁacBieł

«Pryčyna prodažu — uzrost ułaśnikaŭ». Samyja darahija biznesy, jakija pradajuć u Biełarusi

Pahladzieli, jaki biznes prapanujuć nabyć za 2 miljony dalaraŭ i bolš.

Fota: Realt.by

Konny kłub u Ratamcy

Samy darahi z vystaŭlenych na prodaž biznesaŭ u Biełarusi — heta konny kłub Believe u Ratamcy. Prosiać za jaho 3,8 miljona dalaraŭ. Pradaviec adznačaje, što kompleks źjaŭlajecca adzinym u svaim rodzie na ŭsioj terytoryi Biełarusi.

Kompleks abjadnoŭvaje ŭ sabie adrazu niekalki napramkaŭ, haścinična-restaranny biznes, ofisnyja pamiaškańni, kanfierenc-zały i konny kłub.

«Za niepraciahły pieryjad funkcyjanavańnia kompleksu sfarmavana vydatnaja reputacyja i vialikaja klijenckaja baza. Naładžana doŭhačasovaje supracoŭnictva z šeraham pastajannych arandataraŭ. Jość padrabiaznaja prezientacyja. Košt i detali prodažu abmiarkoŭvajucca», — havorycca ŭ apisańni.

Skrynšot z sajta realt.by

Vyhladaje, što pradaviec raźličvaje nie tolki na pakupnikoŭ ź Biełarusi, bo adznačaje, što pry nieabchodnaści dla patencyjnaha pakupnika moža być arhanizavana sustreča i tranśfier z aeraporta. 

Zavod u Minsku

Pa canie kala 2,5 miljona dalaraŭ pradajuć zavod pa vytvorčaści manomietraŭ i termomietraŭ. Zavod byŭ zasnavany jašče ŭ 1993 hodzie. Znachodzicca pradpryjemstva ŭ stalicy.

Skrynšot z sajta kufar.by

Asnoŭny napramak dziejnaści: vytvorčaść pryboraŭ dla vymiareńnia cisku i tempieratury. U apisańni paznačana, što kala 15% pradukcyi pradajecca na ŭnutranym rynku, a 85% idzie na ekspart. Asnoŭnyja krainy ekspartu: Rasija, Uźbiekistan i Kazachstan. Biahučaja zahruzka vytvorčaści składaje bolš za 80%. Na zavodzie pracuje 115 čałaviek.

U apisańni biznesu paznačana, što čysty miesiačny prybytak składaje 70 tysiač dalaraŭ. To-bok, kali zavod praciahnie pracavać na tym ža ŭzroŭni, to ŭkładańni ŭ 2,5 miljona musiać adbicca praz try hady.

Pryčynaj prodažu biznesu z 30-hadovaj historyjaj nazyvajuć uzrost ułaśnikaŭ.

Aŭtamyjka, STA i nie tolki na MKAD

Jašče adzin vystaŭleny na prodaž biznes za 2,5 miljona dalaraŭ — kompleks budynkaŭ na vonkavym baku MKAD pa vuł. Mantažnikaŭ. Abjekt 2017 hoda pabudovy nazyvajuć najbujniejšym aŭtamyjnym kompleksam Minska.

Skrynšot z sajta realt.by

Aproč myjki tut mieścicca STA i administracyjna-bytavy kompleks. Ahulnaja płošča pabudoŭ — 917 m².

Ahrakomleks u Kobrynie

Krychu tańniej za 2,3 miljona dalaraŭ u Kobrynie pradajecca pradajecca ahrakompleks ź mikrakłanalnaj łabaratoryjaj. U košt pradpryjemstva ŭklučany składskija reštki na $1,5 młn. 

Pradaviec paznačaje, što kali aryjentavacca na vyniki 2022 hoda, to ŭkładzienyja inviestycyi musiać akupicca praz dva hady pracy. 

Skrynšot z sajta kufar.by

Pradpryjemstva było zasnavana ŭ 2017 hodzie, jano zajmajecca vytvorčaściu sadžancaŭ jahadnych kultur i dekaratyŭnych raślin mietadam mikrakłanalnaha razmnažeńnia na bazie ŭłasnaj łabaratoryi. Aproč hetaha, pradpryjemstva maje hadavalnik ź ciapličnym kompleksam i placoŭkaj dla dahadoŭvańnia.

«Pry prodažy praduhledžany adaptacyjny pieryjad dla novaha ŭłaśnika, z abaviazkovaj pieradačaj technałohii, kantraktaŭ i markietynhavaha płana raźvićcia», — paznačana ŭ apisańni.

Miedcentr u Drazdach

Za 2 miljony 190 tysiač dalaraŭ pradajecca miedycynski centr płastyčnaj chirurhii i kaśmietałohii. Ahulnaja płošča trochpaviarchovaha budynku — 1638 m². Pałova płoščaŭ zdajecca ŭ arendu pad biznes profilnych napramkaŭ.

Skrynšot z sajta realt.by

U budynku jość kanfierenc-zała na 70 čałaviek z mahčymaściu rabić videatranślacyi z apieracyjnych.

Razam z budynkam, abstalavańniem i damovami arendy, novamu ŭłaśniku pieradajecca: patent, brend, 5 biesterminovych licenzij, siertyfikat na cyrulnyja i bytavyja pasłuhi dla sałonaŭ pryhažości.

Myjka i STA dla hruzavikoŭ u Hatavie

Jašče adzin biznes, jaki acenieny ŭ sumu zvyš 2 miljony dalaraŭ, źviazany z aŭtamabilnym biznesam. Za 2 miljony 139 tysiač dalaraŭ pradajuć STA dla hruzavych aŭto z myjkaj. Usio heta mieścicca ŭ Hatavie.

Skrynšot z sajta realt.by

Pradaviec apisvaje abjekt, jak hatovy biznes, jaki składajecca z myjki hruzavoha i lehkavoha transpartu, ofisnych pamiaškańniaŭ, abstalavany kompleksam dla ramontu hruzavikoŭ i paŭpryčepaŭ. Kompleks 2020 hoda pabudovy.

Čytajcie taksama: 

«Usio stabilna drenna». Ahienctva Moody's znoŭ paniziła kredytnyja rejtynhi Biełarusi

Jančeŭski stvaraje ŭ Emiratach finansavuju prakładku dla rezidentaŭ PVT

Jak buduć składacca śpisy tavaraŭ dla paralelnaha impartu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
siońnia/adkazać/sačyć
08.06.2023
Ciapier zrazumieła čamu na hłobał klin takoje drennaje ŭsio stała: chimija, piersanał...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031