Tadevuš Kandrusievič pajedzie malicca ŭ Rasiju
U pačatku červienia arcybiskup-emieryt Tadevuš Kandrusievič źbirajecca naviedać Sankt-Pieciarburh, kab paŭdzielničać u jubilejnych uračystaściach u chramie, jaki jon sam aśviačaŭ 25 hadoŭ tamu, paviedamlaje Katolik.life.
U niadzielu 4 červienia, na dzień Śviatoj Trojcy, u sabory Uniebaŭziaćcia Najśviaciejšaj Panny Maryi ŭ Sankt-Pieciarburhu arcybiskup Tadevuš Kandrusievič adsłužyć śviatuju imšu, havorycca ŭ parafijalnych abjavach.
Mienavita hety zasłužany biełaruski ijerarch 25 hadoŭ tamu, 24 maja 1998 hoda, aśviačaŭ pieciarburhski katalicki sabor paśla jaho viartańnia viernikam. U toj čas jon słužyŭ Apostalskim administrataram dla katalikoŭ łacinskaha abradu jeŭrapiejskaj častki Rasii.
Staradaŭni chram byŭ začynieny kamunistami ŭ 1930 hodzie, i tolki ŭ 1995 hodzie dziaržava viarnuła kaścioł parafii. Adnaŭlenčyja raboty išli dva hady.
Čytajcie taksama:
Arcybiskupu Kandrusieviču vydalili puchlinu
U Mahilovie prybrali pomnik Papu Janu Paŭłu II. Ale časova — tolki dla restaŭracyi
u katalikoŭ tam usio ̷ia̷š̷č̷e̷ ̷h̷o̷r̷š̷.̷ ̷p̷r̷o̷s̷t̷a̷ ̷z̷n̷ie̷š̷n̷ie̷ ̷v̷y̷h̷ł̷ia̷d̷a̷ie̷ bolš pryvabna
ale toj samy Red. nie dazvolić mnie heta kazać)