Pryznali «ekstremisckimi» 4 pieśni hurta faceOFF
Sud Centralnaha rajona Minska pryznaŭ «ekstremisckimi» 4 pieśni hurta faceOFF, troch udzielnikaŭ jakoha niadaŭna zatrymali siłaviki. Takaja infarmacyja źjaviłasia ŭ abnoŭlenym respublikanskim śpisie ekstremisckich materyjałaŭ.
Braty Dźmitryj i Dzianis Pietuchi
«Ekstremisckimi» pryznali pieśni «Para!!», «Vartavyja hałaktyki», «Nianaviść» i «Viasna», a taksama supołku pad nazvaj FaceOFF va «UKantakcie».
Pavodle infarmacyi pravaabaroncaŭ, dvuch bratoŭ, Dzianisa i Dźmitryja Pietuchoŭ, aryštavali na 15 sutak pa nienazvanym artykule. Hitarysta hurta Alaksieja, proźvišča jakoha nie nazyvałasia, sud aryštavaŭ na 13 sutak.
Pravaabaroncy pišuć, što 21 maja na miažy ŭ Dzianisa pravieryli telefon, paśla čaho adpuścili dadomu. Na nastupnuju ranicu jaho i brata Dźmitryja zatrymali siłaviki. Hitarysta hurta zatrymali 23 maja.
Čytajcie taksama:
Tak ciapier vyhladaje palitźniavoleny žurnalist Jaŭhien Mierkis FOTA
Asudzili za pratesty troch čałaviek u Kruhłym. Siarod ich dziaŭčyna, jakoj nie davali lačycca
Homielskaha barmiena Viatoškina asudzili na piać hadoŭ chatniaj chimii
