«Nie majem namieru dyskryminavać». Kamanda Vilenskaha paŭmarafonu prakamientavała patrabavańni da dopusku biełarusaŭ
Dniami ŭ «NN» źviarnuŭsia čytač i raskazaŭ, što dla ŭdziełu ŭ Vilenskim paŭmarafonie treba napisać list z asudžeńniem rasijskaj ahresii. My publikujem kamientaryj arhanizataraŭ mierapryjemstva.
Fota: pixabay.com
Kamanda paŭmarafonu kaža, što nie žadaje kaho-niebudź abmiažoŭvać: «Budźcie ŭpeŭnienyja, što my nie majem namieru dyskryminavać lubuju nacyjanalnaść abo stvarać niepatrebnyja patrabavańni. My prosta vykonvajem rekamiendacyi Ministerstva adukacyi i navuki Litoŭskaj Respubliki, jakija rajać udzielnikam spartyŭnych spabornictvaŭ mieć mahčymaść vykazać svaju pazicyju adnosna kanfliktu, jaki praciahvajecca va Ukrainie.
Jak adkaznyja arhanizatary, my imkniomsia stvaryć inkluziŭnaje i spryjalnaje asiarodździe dla ŭsich udzielnikaŭ. Adnak dla nas važna pavažać palityku i praviły, ustanoŭlenyja kirujučymi orhanami našaj krainy. U zhadanym dakumiencie Ministerstva adukacyi i navuki Litoŭskaj Respubliki skazana, što ŭdzielniki majuć mahčymaść dobraachvotna padpisać dekłaracyju, u jakoj vykazvajuć svajo nieprymańnie vajny, teraryzmu i ahresii va Ukrainie, a taksama palityki Rasii i Biełarusi».
Taksama kamanda paŭmarafonu vybačyłasia za mahčymyja niazručnaści. Pavodle kamientaryja, meta patrabavańnia napisać list z asudžeńniem ahresii — zabiaśpiečyć udzielnikam płatformu dla abmienu svaimi pohladami i supraćstajańnia biahučamu kanfliktu, a nie vyłučać asob na padstavie ich nacyjanalnaści.
«My cenim vašu zakłapočanaść i prymiem heta da ŭvahi ŭ budučych mierapryjemstvach. Naša meta składajecca ŭ tym, kab stvaryć atmaśfieru adzinstva i padtrymki, i my budziem imknucca da taho, kab usie ŭdzielniki adčuvali siabie acenienymi i ŭklučanymi», — skazana ŭ adkazie.
«Naša Niva» — bastyjon biełaruščyny
PADTRYMAĆ«Bolšaść jedzie pa pracy» — partret siaredniestastyčnaha biełarusa ŭ Litvie
Kudy i adkul ciapier latajuć biełarusy na adpačynak u Jeŭropu
Litva pastrožyć praviły ŭvozu najaŭnych hrošaj ź Biełarusi i Rasii
nie poniał, tak a litovcy-to piśmo dołžny pisať ili niet? :)