U Vilni ablili kietčupam Viktara Šandaroviča
U Vilni praŭkrainskija aktyvisty sprabavali sarvać vystupleńnie viadomaha rasijskaha piśmieńnika i žurnalista Viktara Šandaroviča, a paśla ablili jaho kietčupam.
Skrynšot ź videa
Pierad pačatkam vystupleńnia hrupa ludziej z ukrainskimi ściahami zładziła pikiet, padčas jakoha praz hučnahavarycieli jany tranślavali frahmient efiru Šandaroviča na «Echo Moskvy», u jakim jon kazaŭ «našy chłopčyki» pra rasijskich vajskoŭcaŭ (sam Šandarovič padkreślivaŭ, što cytavaŭ vykazvańnie inšaha čałavieka) i prapanoŭvali ludziam, jakija prychodzili na kancert, addać svaje hrošy adrazu Jaŭhienu Pryhožynu, piša «Mieduza».
U antrakcie vystupleńnia Šandarovič vyjšaŭ da aktyvistaŭ, kab pahavaryć ź imi, ale tyja razmaŭlać nie stali, a zamiest taho ablili jaho kietčupam.
«Jak było skazana ŭ Ibsiena ŭ pjesie «Vorah naroda»: «Nikoli nie nadziavaj novyja štany, kali idzieš adstojvać iścinu», — prakamientavaŭ piśmieńnik hety incydent.
Vyśvietliłasia, što adnym z tych, chto napadaŭ na Šandaroviča, byŭ rasijski palitemihrant, pradstaŭnik ruchu «Mirny supraciŭ» Uładzisłaŭ Šypicyn.
Dva tydni tamu Viktara Šandaroviča ŭnieśli va ŭkrainskuju bazu «Miratvorac».
Čytajcie taksama:
Šandarovič: Jak tolki Zachad siadzie z Pucinym za stoł pieramovaŭ — Zachad prajhraŭ
Andrej Dyńko: Para dumak z nahody maleńkaj pieramožnaj vajny z Dolinym i Šandarovičam
