Rasijanie chočuć pieraniać u Biełarusi abaviazkovaje raźmierkavańnie dla studentaŭ
U Dziarždumie RF prapanavali ŭvieści pracu pa raźmierkavańni dla vypusknikoŭ VNU. Zakonaprajekt byŭ apublikavany na sajcie dziaržorhana.
Fota: pixabay.com
Aŭtary zakonaprajekta prapanujuć, kab usie, chto vučycca biaspłatna za košt dziaržbiudžetu, jak minimum try hady adpracavali pa raźmierkavańni. Byłyja studenty buduć pracavać pa raźmierkavańni ŭ tych rehijonach, dzie jość kadravy deficyt.
«Hety zakonaprajekt dazvolić harantavana zabiaśpiečyć maładych śpiecyjalistaŭ pracaj na termin nie mienš za try hady pa zaviaršeńni navučańnia, što ŭ svaju čarhu budzie spryjać kadravamu zabieśpiačeńniu pradpryjemstvaŭ abaronna-pramysłovaha kompleksu i pryjarytetnych halin ekanomiki našaj krainy», — havorycca ŭ tłumačalnaj zapiscy da zakonaprajekta.
U vypadku admovy student pavinien pakryć dziaržavie vydatki na navučańnie. Padobnaja sistema isnuje i ŭ Biełarusi.
Čytajcie taksama:
U Pinsku maładym śpiecyjalistam-prahramistam prapanavali zarobak 255 rubloŭ
