Pracy na daŭhabudzie na Majakoŭskaha ŭ Minsku adnoviacca. Vyhlad budynka stanie bolš ścipłym
Uzhodnieny čarhovy pieradprajekt pa daŭhabudzie na vuł. Majakoŭskaha, 31, raspaviali ŭ instytucie «Minskprajekt» «Minsk-Navinam». Zakazčykam ciapier vystupić UKB Savieckaha rajona. Stała viadoma, što tam budzie i jak budzie vyhladać novy budynak.
Novy prajekt
Jak nahadvaje vydańnie, pieršapačatkova na vuł. Majakoŭskaha kampanija «Łada OMS-inžynierynh» mieła namier uźvieści šmatfunkcyjanalny hramadska-handlova-hatelny kompleks Novotel Minsk Mayakovskaya.
Raboty startavali ŭ 2013 hodzie. U budynku płanavaŭsia hatel francuzskaha apieratara, biźnies-centr, handlovyja, fizkulturna-azdaraŭlenčyja i inšyja abjekty.
Paźniej płany pamianialisia, zakazčyk ahučyŭ namier pabudavać na hetym miescy miedcentr. Adnak pracy spynilisia na pačatkovym etapie.
U 2020 hodzie ŭ daŭhabuda na Majakoŭskaha zjaviŭsia novy ŭładalnik. TAA «CPM-Centr prafiesijnaj miedycyny» nabyła niezavieršany zakansiervavany kapitalny budynak. Paśla hetaha, jak tady paviedamlałasia, nibyta adnavilisia pracy pa stvareńni šmatfunkcyjnaha kompleksu ź miedycynskim centram.
Ale i hetaja sproba skončyłasia paražeńniem, pryčyny jakoha nie paviedamlajuć. Ciapier haradskija ŭłady vyrašyli razabracca z daŭhabudam samastojna za biudžetnyja srodki.
Pavodle zadumy, u kompleksie raźmieścicca adrazu niekalki ŭstanoŭ achovy zdaroŭja horada. Siudy pierajedzie 10-ja stamatałahičnaja paliklinika, Minski haradski kliničny endakrynałahičny centr, jaki pakul raźmiaščajecca na vuł. Kisialova; taksama novuju prapisku atrymaje Kliničny centr płastyčnaj chirurhii i miedycynskaj kaśmietałohii z vuł. Bahdanoviča, 53.
U 2024-m budynak płanujuć uvieści ŭ ekspłuatacyju.
Rendar 2013 hoda
Źniešni vyhlad prajekta 10-hadovaj daŭniny mocna adroźnivajecca ad siońniašnich płanaŭ.
a nuŭ...
jak raz tam častka... i im zakanadaŭča pradpisali mianiać tvar...