Pravaabaroncy pryznali palitviaźniami jašče 20 čałaviek
Pra aficyjnaje pryznańnie jašče dvuch dziasiatkaŭ biełarusaŭ palitviaźniami paviedamiła «Viasna».
Imiony novych palitviaźniaŭ — Volha Baruška, Natalla Piatrovič, Andrej Ściepaniuk, Alaksiej Ušakoŭ, Alaksiej Alaksiejčyk, Kirył Płakuščaŭ, Maksim Kamkoŭ, Pavieł Trafimčuk, Piotr Staracitaraŭ, Andrej Alaškievič, Stanisłaŭ Iljin, Alaksiej Mihno, Dźmitryj Harbunoŭ, Jaŭhien Miraś, Leanid Ułasiuk, Dźmitryj Łazar, Mikałaj Klimovič, Siarhiej Zajkoŭski, Juryj Bubnoŭ, Kaciaryna Kałybienka.
Chto hetyja ludzi i čamu pravaabarončyja arhanizacyi ličać ich spravy palityčna matyvavanymi — hladzicie tut.
Ahulnaja kolkaść palitviaźniaŭ dasiahnuła 1465 čałaviek. Apošnim časam jana nie asabliva mianiajecca, ale nie tamu, što nakał represij u Biełarusi spadaje, — prosta paralelna z novymi pasadkami pa kryminalnych spravach idzie praces vyzvaleńnia tych źniavolenych, jakija całkam adbyli svaje terminy. Taksama sudy niekatorym prysudžajuć «chatniuju chimiju», paśla čaho čałaviek vychodzić z-za turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni pa palityčnych pryčynach, realnaja kolkaść biełaruskich palitviaźniaŭ našmat bolšaja. Pra mnohich pravaabaroncam prosta ničoha nie viadoma.
