Ułady razarvali biaspłatnyja damovy arendy z čatyrma kaściołami — pravaabaroncy
Pravaabarončaja arhanizacyja «Forum 18» paviedamlaje, što ŭłady Biełarusi skasavali biesterminovyja i biaspłatnyja damovy arendy, prynamsi, z čatyrma kaściołami.
Kaścioł Śviatych Symona i Aleny ŭ Minsku. Fota: sacsietki
Pavodle pravaabaroncaŭ, z takoj prablemaj sutyknulisia kaścioł Śviatych Symona i Aleny ŭ Minsku, kaścioł Uniebaŭziaćcia Najśviaciejšaj Panny Maryi i Śviatoha Stanisłava ŭ Mahilovie, kaścioł Božaha Cieła ŭ Niaśvižy i kaścioł Biezzahannaha Začaćcia Najśviaciejšaj Panny Maryi ŭ Babrujsku.
Ułady nibyta zajavili viernikam, što ŭ abmien na padpisańnie novaj damovy ab štomiesiačnaj arendnaj płacie na pieryjady ad 6 miesiacaŭ da 5 hadoŭ kali-niebudź u budučyni im dazvolać iznoŭ arandavać histaryčnyja budynki biaspłatna.
Miascovyja ŭłady vyznačyli štomiesiačnuju arendnuju płatu, ale «Forum 18» nie zdoleŭ vyśvietlić, jak jany akreślili nieabchodnuju sumu. Akramia taho, jak vyhladaje, nijakich piśmovych harantyj taho, što ŭłady vykanajuć svajo abiacańnie, nie isnuje.
