Michaił Padalak: Ryzyki jadziernaj vajny niama
Ukrainie patrebnyja rakiety dalokaściu 150—200 km, kab mieć mahčymaść pierakryć šlachi zabieśpiačeńnia rasijskich vojskaŭ, raspavioŭ daradca Ofisa prezidenta Ukrainy Michaił Padalak ispanskamu vydańniu «20 chvilin».
Michaił Padalak. Fota: president.gov.ua
«My ŭžo viadziom pieramovy pa ich, ale my paćvierdzim ich tolki tady, kali jany ŭ nas buduć. Nam treba jak minimum dźvie bryhady BTR, ad 350 da 450 tankaŭ, z dapamohaj jakich my mahli b chutka praniknuć na akupavanyja terytoryi i vyzvalić ich», — adznačyŭ Padalak.
U kancy studzienia zachodnija partniory Ukrainy pahadzilisia dać joj svaje asnoŭnyja tanki: častka ź ich budzie ŭziataja z najaŭnych zapasaŭ, inšyja jašče treba budzie vyrabić. U jakaści pieršaj partyi ŭkrainskija ŭłady raźličvajuć atrymać u najbližejšyja miesiacy kala 140 tankaŭ ad 12 dziaržaŭ. U kancy hetaha hoda abo pačatku nastupnaha čakajucca taksama pastaŭki pieršaj partyi tankaŭ «Abrams» z ZŠA.
U intervju ispanskaj haziecie Padalak zajaviŭ taksama, što ŭ Kijevie nie bačać ryzyki jadziernaj vajny. Pa jaho słovach, Rasija hatovaja zabivać za miežami svajoj terytoryi, ale rasijskaje kiraŭnictva nie choča pamirać.
