U biełaruskich kanfiskatach pradajuć try ekzatyčnyja mašyny
Siarod aŭtamabilaŭ, jakija pa niejkich pryčynach aryštavali ŭ Biełarusi, jość davoli redkija asobniki. Ciapier ich pradajuć z aŭkcyjonu, i heta zaŭvažyła vydańnie «Hancavicki čas».
Mahindra Scorpio Pickup
Što, vy nie čuli pra takuju ekzotyku? Hetuju mašynu nielha znajści navat na sajcie aŭtaabjaŭ. A voś u kanfiskacie jana jość.
Pikap prosta jak ź indyjskaha filma
Što heta za źvier taki? Heta indyjski pikap. U kancy 2020 hoda paviedamlałasia, što takija mašyny buduć źbirać u Biełarusi na biełaruska-brytanskim sumiesnym pradpryjemstvie «Junisan». Tady pisali, što ŭ Biełaruś byŭ dastaŭleny asobnik dla vyvučeńnia.
Pa charaktarystykach — 2,2-litrovy turbadyzielny ruchavik, 140 konskich sił, 6-stupiennaja miechaničnaja karobka. Zajaŭleny raschod paliva — 7,9 ł na 100 km.
U 2004 hodzie indyjskaja kampanija Mahindra sprabavała zamacavacca na rasijskim rynku. Ale pravaliłasia — prodaž nie pajšoŭ. Zusim drenna pajšoŭ biznes i z brytancami ŭ Biełarusi, bo mienavita ŭ kampanii «Junisan» i aryštavany hety ekzatyčny pikap.
U kanfiskacie hetuju mašynu prapanujuć na aŭkcyjonie sa startavaj canoj ad 25 tysiač 400 bieł. rubloŭ. Chto viedaje, moža zacikavić jakoha amatara indyjskaha kino.
Zotye E200
Jašče trochi ekzotyki ŭ kanfiskacie ad taho ž pradpryjemstva «Junisan». Elektryčnaja kitajskaja maleča Zotye E200.
Maleńki elektrakar
Takich u kanfiskacie ciapier vystaŭlena na aŭkcyjon až 9 štuk. Usie 2018 hoda, iduć z małatka sa startavaj canoj ad 17 tysiač 300 rubloŭ. U 2018 hodzie na starcie prodažu za hetuju mašynu prasili 44 tysiačy 390 rubloŭ.
Vyhladaje viadoma, śmiešna, jak elektryčny zedlik na kołcach. Ale ŭ aŭtamabilnym patoku vidavočna na takuju mašynu buduć aziracca. Choć i z uśmieškaj.
Pa charaktarystykach: dvuchmiesnaja mašyna. Zapas chodu na adnoj zaradcy — 220 kiłamietraŭ. Ad zvyčajnaj razietki zaradžajecca ad 6 da 8 hadzin. Na AZS — 30 chvilin. Jość elektraškłopadjomniki, padahreŭ lusterkaŭ, kandycyjanier, kruiz-kantrol, sensarny ekran multymiedyja.
A jak usio pačynałasia. Mienavita ŭ 2018 hodzie aŭtažurnalisty ŭ ahladach z zachapleńniem pisali: «Narešcie ŭ prodažy!» Razvažali pra pierśpiektyvy zborki hetych maleńkich elektrakaraŭ u Biełarusi. A ciapier hetyja «pierśpiektyvy» ŭ kanfiskacie.
Dumajecie, heta ŭsie mašyny, jakija mohuć vas ździvić u kanfiskacie? A jak vam nastupnaja?
Bieśpiłotny aŭtamabil
Hety cud kitajskaj techniki aryštavali ŭ TAA «Technałohii Vialikaha kamienia». Madel nazyvajecca mudrahielista — NJL6450ICEV. Startavaja cana na aŭkcyjonie — 57 tysiač 540 rubloŭ.
Minuły raz jaje chacieli pradać letam 2022-ha sa startavaj canoj amal 96 tysiač.
Jaki furor budzie, kali pajechać na takim u kramu?
Kampaniju «Technałohii Vialikaha kamienia» stvaryli ŭ 2021 hodzie. Jana pavinna była zajmacca raspracoŭkaj bieśpiłotnaha transpartu na alternatyŭnaj enierhii. Płanavałasia, što budzie supracoŭničać z Nacyjanalnaj akademijaj navuk Biełarusi.
Hety «bieśpiłotnik» 2020 hoda vypusku maje elektryčny ruchavik mahutnaściu 30 kVt. Zapas chodu na adnoj zaradcy — 180 km. Kamu moža spatrebicca taki cud inžyniernaj dumki, składana ŭjavić.
Čytajcie taksama:
Ź Biełarusi sprabavali vyvieźci rarytetnyja mašyny
U Minsku pradajuć dva pratatypy Jo-mabilaŭ. Kolki prosiać za aŭto, jakija mohuć pierasoŭvacca tolki na evakuatary
«Za 100 000 dalaraŭ možna ŭsie mašyny pradać, ale ja nie pradaju». Hrodzieniec sabraŭ unikalnuju kalekcyju retraaŭtamabilaŭ
