Kiraŭnik ukrainskaj raźviedki: Dzianisa Kirejeva zabili ŭ mašynie SBU i vykinuli na vulicu, heta fakt
Ukrainskaha bankira, vyviednika i ŭdzielnika pieramoŭ z Rasijaj Dzianisa Kirejeva zabili ŭ aŭtamabili SBU, paśla čaho jahonaje cieła vykinuli na vulicu Kijeva. Pra heta ŭ intervju Ukrainskaj słužbie «Radyjo Svaboda» zajaviŭ načalnik Hałoŭnaha ŭpraŭleńnia raźviedki Minabarony Ukrainy Kiryła Budanaŭ.
Dzianis Kirejeŭ (sprava) z Kiryłam Budanavym
Pa słovach Budanava, Kirejeŭ byŭ nie prosta ahientam HUR:
jon šmat hadoŭ supracoŭničaŭ z raźviedkaj, byŭ u štacie ŭstanovy i prachodziŭ pravierki.
Na pytańnie, ci padzialaje jon viersiju pra toje, što raźviedčyka zabili supracoŭniki SBU, Budanaŭ adkazaŭ stanoŭča:
«Ja padzialaju mierkavańnie i vieru faktam, što spadar Kirejeŭ byŭ zabity ŭ aŭtamabili SBU, kali jany praviali [apieratyŭnaje] mierapryjemstva pa hetaj asobie. Hety fakt zafiksavany, heta ŭ materyjałach rasśledavańnia. Usio astatniaje — rasśledavańnie viadzie Dziaržaŭnaje biuro rasśledavańniaŭ Ukrainy. Ja nie maju prava kamientavać hetuju infarmacyju.
Toje, što jaho zabili ŭ hetym aŭtamabili supracoŭniki, — heta fakt».
Pradstaŭnik Minabarony taksama raskazaŭ, što paśla zabojstva Kirejeva razmaŭlaŭ z tahačasnym kiraŭnikom SBU Ivanam Bakanavym, i toj nie zmoh jamu rastłumačyć śmierć raźviedčyka.
Raskazaŭ Budanaŭ i pra toje, jakaja misija była ŭskładziena na Kirejeva padčas pieramoŭ z Rasijaj:
«Pakolki čałaviek užo zahinuŭ, my možam pra heta kazać:
hałoŭnaja zadača, jakuju my jamu pastavili — heta zaciahnuć praces dla taho, kab vyjhrać čas.
Bo spadar Kirejeŭ asabista viedaŭ dvuch čałaviek z taho pieramoŭnaha pracesu, jakija pradstaŭlali rasijski bok».
Čytajcie taksama:
Padalak prakamientavaŭ vychad materyjału pra zabitaha SBU Dzianisa Kirejeva
WSJ: Słužba biaśpieki Ukrainy zabiła čałavieka, bieź jakoha «Kijeŭ by ŭziali»
